«Ўргимчак одам: Уйга йўл йўқ» фильми 760,9 миллион долларлик даромад билан Америка тарихидаги энг кассабоп фильмларнинг учталигига кирди. Фильм Жеймс Кэмероннинг «Аватар»идан (760,5 миллион доллар) ўзиб кетишга муваффақ бўлди.
Питер Паркер ҳанузгача энг яхши икки етакчи фильмдан ортда қолмоқда: «Қасоскорлар: Интиҳо» (858 миллион доллар) ва «Юлдузлар жанги»нинг еттинчи қисми – «Кучнинг уйғониши» (936 миллион доллар). «Ўргимчак одам» даромади дунё бўйича 1,8 миллиард долларни ташкил этди ва тарихда олтинчи ўринни эгаллади. Албатта, бу кўрсаткич Хитойни ҳисобга олмаганда, чунки фильм ушбу давлатда ҳеч қачон кассаларга чиқарилмаган.
Фильмда Том Ҳолланд, Эндрю Гарфилд, Тоби Магуайр, Зендея, Бенедикт Камбербэтч, Уиллем Дефо ва бошқалар ўйнаган. Sony компанияси аллақачон янги фильм суратга олинишини эълон қилган эди. Аммо унда Том Ҳолланд иштирок этадими ёки йўқ, буниси номаълум.
Мавзуга доир:
- «Ўргимчак одам: Уйга йўл йўқ» йилнинг энг кассабоп фильми бўлди
- «Оскар» маросимини сўнгги уч йил ичида биринчи марта бошловчи олиб боради. У «Ўргимчак одам» юлдузи Том Ҳолланд бўлиши мумкин
- 12 ёшидан ишлай бошлаган, «Гарри Поттер»нинг ашаддий мухлиси: Голливуднинг тобора порлаётган янги юлдузи — Зендая ҳақида нималарни биламиз?
Изоҳ (0)