Том Ҳолландер исм-фамилиядаги ўхшашлик сабаб ҳамкасби Том Ҳолланднинг ўрнига “Қасоскорлар: Интиҳо” фильми учун гонорар олгани ҳақида гапирди

Актёрлик агентлиги Том Ҳолландерни Том Ҳолланд билан адаштириб қўйган ва актёрга ҳамкасби “Қасоскорлар: Интиҳо” фильми учун олиши керак бўлган гонорарни унинг ҳисоб рақамига ўтказиб берган. Ҳолландер бу ҳақда “Late Night” шоусида маълум қилди.

56 ёшли актёр ва Ҳолланд бир агентлик билан қисқа муддатга шартнома имзолаганини айтди. Афтидан, бухгалтерия бўлими актёрларни адаштириб юбориши оқибатида “Оқ нилуфар” фильми юлдузининг электрон почтасига “Қасоскорлар: Интиҳо” фильми касса йиғимидан биринчи бонус ўтказилган.

Ҳолландернинг сўзларига кўра, унинг ҳисобига етти рақамдан иборат сумма ўтказиб берилган. Бундан ташқари, бу Ҳолланднинг Ўргимчак одам роли учун гонорари эмас, балки кинокартинанинг прокатдан ишлаган бонуснинг фақат биринчи қисми эканлигини билдирган.

Ҳолландер уни 27 ёшли ҳамкасби билан тез-тез адаштириб қўйишларини айтди. Кунларнинг бирида Ҳолландерга жамоат жойида бир жуфтлик у фарзандларининг севимли актёри эканлигини айтган. Ҳолландер уларнинг адашганини дарҳол англаган, лекин болаларини у билан таништиришга таклиф қилган.