Мухлислар таниқли жуфтликларнинг шахсий ҳаётини кузатишни яхши кўради. Бироқ ҳамма ҳам ўз кумирларининг севги ҳикояси қандай бошланганини билмайди ёки эслай олмайди. Қуйида машҳурлар ўз севгилисининг қалбини қандай қилиб забт этгани ҳақида маълумот берилади.
Том Ҳолланд
Том Ҳолланд мухлисларини хурсанд қилиш учун Зендая билан муносабатлари ҳақида жамоатчиликка кўпроқ гапира бошлади. Жуфтлик 2016 йилда “Ўргимчак одам: Уйга қайтиш” фильмининг суратга олиш жараёнида танишган. Яқиндан танишиш ва муносабатларни бошлаш учун бирга вақт ўтказиш етарли эмас эди. Ҳолланд яқинда берган интервьюларининг бирида Зендаянинг қалбини забт этишга нима ёрдам бергани ҳақида сўзлаб берди.
Актёр шунчаки Зендаянинг уйидаги эшикни тузатиб берган. Маълум бўлишича, Том барча ҳунарларни яхши билади. Актёр осонгина мебелларни йиғади ва таъмирлай олади, уйни жиҳозлайди.
“У билан муносабатимиз бошланган кунларнинг мен унинг эшигини тузатиб бердим. Зендаянинг уйида вақт ўтказдим ва унинг уйидаги эшик бузилиб қолди. Унга мен бу эшикни тузатишимни айтдим. Кейин биз бир-биримизни севиб қолдик”, — дейди Ҳолланд.
Ник Жонас
Баъзида инсоннинг бахти ёнида бўлади ва уни ушлаб қолиш учун бир марта имкон берилади. Масалан, Ник Жонас Приянка Чопрани учрашувга чиқишга кўндириш учун кўп куч сарфлаши шарт эмас эди. Улар дастлаб бир-бирларини севиб қолишган, фақатгина кимдир биринчи қадамни қўйиши керак эди. Ник Приянкага ёзишмалар орқали муносабатларини мустаҳкамлашга ҳаракат қилишни таклиф қилди.
“Аслида биринчи қадамни мен қўйганим йўқ, бу ишни у қилган. Ник менга ёзган. У биринчи марта оддий қилиб яқинлашишимиз ва муносабатларимизни мустаҳкамлашимиз кераклигини айтган. Шундан кейин биз гаплаша бошладик”, — дейди Чопра.
Жейсон Судейкис
Актёр Жейсон Судейкис Оливия Уайлд билан қарийб 8 йил муносабатда бўлган. Жуфтлик 2020 йилда ажрашди, бироқ уларнинг муҳаббат тарихи ҳали ҳам кўплаб мухлислар учун қизиқ. Уларнинг танишиш тарихи ва муносабатларининг бошланиши жуда кулгили. Кунлардан бир кун Оливия зиёфатга боради ва у ерда бутунлай бошқа инсон билан учрашади. Уайлд уни инсонлар орасидан қидираётганда, Жейсон Судейкис йўлда актрисага дуч келади.
Сем Асгари
Фитнес мураббийи Сем Асгари Бритни Спирснинг қалбини забт эта олди. Хонанданинг турмуш ўртоғи интервьюларнинг бирида улар ўртасида қандай қилиб муҳаббат ва муносабатлар бошлангани ҳақида гапириб берган. Сем ҳазилкаш бўлишга ҳаракат қилган ва ҳазил қилиб хонандадан исмини сўраган. Кейинчалик Бритни уни яхши кўриб қолган.
“У: Салом, мен Бритниманъ, деди. Мен: Кечирасиз, исмингизни яна бир марта қайтара оласизми?ъ, деб сўрадим. Ҳазилкаш бўлишга ҳаракат қилдим. Менимча, бу ҳамма учун ҳам ишламаган бўларди”, — дейди Асгари.
Алекс Родригес
Алекс Родригес ва Женнифер Лопеснинг аллақачон муносабатлари тугаган. Бироқ собиқ спортчи Алекс Родригес Женнифер Лопеснинг қалбини қандай забт этгани ҳалигича ёдга олинади.
Родригес интервьюларининг бирида Лопес билан кечки овқатни бирга истеъмол қилган. У буни учрашув деб аташ мумкинми ёки ёқми билмасди. Женнифер унга оила қурмаганини айтганидан кейин, бейсболчи SMS орқали хонандага яқин муносабатда бўлишни таклиф қилган.
Жастин Тимберлейк
Мухлислар Жастин Тимберлейкнинг учрашишида “эски мактаб руҳи”ни ҳис қилишади. Бир неча йиллар олдин хонанда ҳозирги рафиқаси Жессика Билга билан танишиш учун биринчи қадамни қандай қўйишни билмас эди. Биринчи учрашувдан сўнг, Жастин дўстидан Жессикани у билан учрашувга таклиф қилишини сўрайди. Жессика аввалига иккиланиб қолди, бироқ кейин унга қўнғироқ қилишга рухсат берди. Ўша пайтда Тимберлейк ишни ўз қўлига олди.
“Мен буни эски услубда, телефонда қилдим. Буни мен ўгай дадам ва бобомдан ўрганганман. Рицарликка ўхшаш нарса бор — у ижтимоий тармоқларда пайдо бўлиши билан ўлмаслиги керак. Унинг рози бўлиши учун мен етарлича қатъиятли бўлишим керак эди. Бироқ сабрим етарли, агар бирор нарсани хоҳласам, унга қаттиқ киришаман. Охир-оқибат, у рози бўлди”, — дейди Жастин.
Изоҳ (0)