Фильмни томоша қилаётганда фақат чиройли кадрларни кўрамиз, лекин кадр ортида қандай қийинчиликлар бўлганини тасаввур ҳам қилолмаймиз.
Том Ҳолланд ва Ўргимчак одам костюми
Актёрнинг сўзларига кўра, у костюмга “замок” қўшишни сўраган, бироқ бу таклиф рад этилган. Том кўз атрофидаги тешик орқали найча киритиб, костюмини ечмасдан ичимлик ичиши мумкин эди (кийимни ечиб-кийиш осон бўлмагани учун).
Фильмда роль ўйнаган Зендая ҳам костюм ноқулай бўлганини таъкидлайди. Грэм Нортон шоусида у костюм яхлит бўлгани тепа ва пасти бир-биридан ажралмас эканлигини ва актриса Томнинг соғлиғидан хавотирланганини айтади.
Скарлетт Йоханссон ва Қора бева кийими
Актрисанинг тан олишича, у ижро этган суперқаҳрамон комбинезони кўпроқ ғаввослар кийимига ўхшарди. Кийим шу қадар иссиқ эдики, ҳатто унда галлюцинация ҳам бошланган. Скарлетт бу борада ҳамкасби Крис Хемсворт каби омадли эмасди — актёр кийган Тор костюми кондиционерга эга эди.
Фрэнсис Фишер ва “Титаник” фильмидаги Рут Дьюитт роли
“Титаник” фильмидаги қаҳрамонларнинг кийимлари мукаммал танланган. Бироқ аёллар учун бу чиройли либослар қийинчилик туғдирарди. Фрэнсиснинг айтишича, корсет кийиш нафақат гавдани, балки нафас олишни қийинлаштиради, корсет кийган актрисаларнинг ҳеч бири нормал нафас ололмайди.
Катта шляпа ҳам ноқулай бўлган. Ҳатто ўтириш ҳам қийин эди: корсет танага қадалган, шляпа стулда орқага суянишни қийинлаштиради, шунинг учун суратга олиш пайтида актрисалар кўпинча тик туришга мажбур бўлган.
Жим Керри ва Гринч костюми
Актёр гримда ўзини “тириклайин кўмилгандек” ҳис қилганини тан олади — кийим жуда ноқулай эди. Биринчи куни грим ва костюм кийиш 8,5 соат вақтни олади. Суратга олиш кунининг охирида Жим режиссёрга ишни давом эттира олмаслигини айтади.
Кейинчалик улар юзага келган ноқулайликларни бартараф этишда актёрга ёрдам берадиган махсус тайёргарликдан ўтган одамни таклиф қилиш орқали чиқиш йўлини топишади.
Рэйчел Броснан ва “Ажойиб Мейзек хоним” фильмидаги либослар
“Мен бемалол нафас ололмасдим, чунки корсет танамни сиқиб турарди. Ўшанда менга бир-икки қовурғам бирлашиб кетгандек туюлди, чунки чуқур нафас ололмасдим”, — дейди Рэйчел.
Реге-Жан Пейж ва оғир зирҳли совут
Актёрнинг сўзларига кўра, темирдан ясалган зирҳ жуда иссиқ эди. “Тасаввур қилинг-а, сиз кун бўйи қизиб кетяпсиз, ўтиролмайсиз. Терласангиз ҳам кийимингиз намланмайди, сиз шунчаки ўша терга чўкиб кетасиз. Ажойиб”.
Актёр ҳазиллашиб, “Кичик Дауни хатоси”га йўл қўйган: у ҳам Темир одам совутидан шикоят қилган ва ҳатто Marvel’нинг кейинги фильмларида уни киймасликка ҳаракат қилган.
Изоҳ (0)