Машҳур фильмларда ўзидан кичик ёшдаги қаҳрамонларни ўйнаган актёр ва актрисалар (фото)

Қисқа муддатга ўсмир бўлиш осон иш эмас. Бугун қайси юлдузлар экранда ўзидан ёш қаҳрамонларни ўйнагани ҳақида маълумот берамиз.

Ширли Ҳендерсон — йиғлоқи Миртл

Ширли Ҳендерсон “Гарри Поттер ва махфий ҳужра” ҳамда “Гарри Поттер ва аланга кубоги” фильмларида рол ўйнаган. Фильмдаги йиғлоқи Миртл айнан шу актриса эди. Суратга олиш пайтида актриса 37 ёшда бўлган, унинг қаҳрамони эса 13 ёшда эди.

Том Ҳолланд — Питер Паркер

Том Ҳолланд Тоби Магуайр ва Эндрю Гарфильддан нимаси билан ажралиб туришини биласизми? У Питер Паркер ролини ижро этган энг ёш актёр. “Ўргимчак одам: Уйга қайтиш” фильмида супер қаҳрамон 15 ёшда. Фильм суратга олинаётганда актёр 20 ёшда эди.

Эмма Макки — Мейв Уайли

Сарказмга бой ҳазиллар, ҳаммани ўзига қаратадиган услуб ва бемаъни хатти-ҳаракатлар 17 ёшли ўсмир қизга хос. Аммо қаҳрамон ва актриса ўртасида 8 йиллик тафовут бор.

Аня Тейлор-Жой — Элизабет Ҳармон

2020 йилда Аня Тейлор-Жой “Қироличанинг юриши” мини-сериалида шахматчи қиз ролини ўйнайди. Фильмда 24 ёшли актриса 13 ёшидан бошлаб улғайган Элизабет Ҳармонни гавдалантиради.

Эмилия Кларк — Дейенерис Таргарен

“Тахтлар ўйини” бошланган пайтда аждарлар онаси бор-йўғи 16 ёшда эди. Ўша пайтда Эмилия Кларк ўз қаҳрамонидан 8 ёш катта бўлган.

Флоренс Пью — Эми Марч

“Кичик хонимлар” фильми тўрт опа-сингилнинг ҳаётини тасвирлайди. Уларнинг энг кичиги Эми эндигина 12 ёшда бўлади. Мазкур қувноқ қиз ролини  Флоренс Пью ўйнайди — суратга олиш пайтида актриса 23 ёшда эди.