Орзулар амалга ошади: келажакдаги ролларини башорат қилган актёр ва актрисалар

Ҳар биримизнинг орзуларимиз бор. Орзулар иш, бойлик ёки оиламизнинг келажаги билан боғлиқ бўлиши мумкин. Севимли актёрларимизнинг баъзилари бутун умри давомида биргина ролни орзу қилади. Баъзида улар бундай имкониятга эга бўлишади. Буларнинг барчаси ўзимиз истаган нарсага интилишдан тўхтамаслигимиз кераклигини англатади.

Том Ҳолланд

2013 йилда қизил гиламда берган интервьюсида Том Ҳолланд «яқин 10 йил ичида ўргимчак одамни ўйнашни» хоҳлашини айтади ва узоқ кутишига тўғри келмайди — 2016 йилда у «Биринчи қасоскор: Қарама-қаршилик» фильмида ушбу ролда пайдо бўлади. Бу ҳали ҳаммаси эмас: у ўзининг севимли видеоўйини Uncharted’нинг экранлаштирилган версиясида рол ўйнайди ва актёр узоқ вақт давомида севиб юрган Зендая унинг севгилисига айланади.

 Ариана Гранде

2011 йилда поп-юлдуз Ариана Гранде Твиттер саҳифасида «Ёвуз» фильмидаги Глинда образида ўйнашни худди шу номдаги театр спектаклини кўрганидан бери орзу қилишини айтади. 2021 йилда хонанданинг орзуси ушалиши маълум бўлди. У машҳур мусиқий фильмнинг экранлаштирилган вариантида Глинда ролини ўйнайди.

Симу Лю

2018 йилда Симу Лю Marvel’нинг Twitter саҳифасига Шанг-Чи ҳақида гаплашишни таклиф қилади. Бир йил ўтгач эса студия актёрнинг «Шанг-Чи ва ўн узук афсонаси» фильмида бош ролни ижро этаётганини эълон қилади.

Кеке Палмер

Кеке Палмер «Оқ қарға» фильмининг 5-мавсуми чиққани ҳақидаги қувончи билан ўртоқлашганда, мухлислари актриса фильмда рол ўйнаяпти деб ўйлашади. У бу ҳақда сериал яратувчиси ва юлдузи Исса Рейга ёзади ва бу иш беради. Бир йил ўтгач, Кеке сериалда рол ўйнайди.

Жордан Фишер

2020 йилнинг февраль ойида Жордан Фишер Оливия Родриго ва Жошуа Бассетт билан Something New қўшиғини куйламоқчи эканлигини Twitter’да ёзади. «Ажойиб мюзикл: Мюзикл» сериали яратувчиси унинг твитини кўриб, Фишер билан гаплашади. Натижада Жордан шоунинг 2-мавсумида иштирок этади.

Барри Кеоган

2013 йилда Барри Кеоган Стен Лига Twitter орқали ёзиб, уни суперқаҳрамонга айлантиришни илтимос қилади. Йиллар ўтиб Кеоганнинг орзуси ушалади. Marvel оламининг «Абадийлар» фильмида Барри ғайритабиий инсон ролини ўйнайди. Омад кутишни билганларга кулиб боқади.

Эмма Робертс

7 ёшида Эмма Робертс «Қичқириқ» фильмидаги ниқобни кийиб суратга тушган. Бу лаҳза башорат қилинганга ўхшайди, чунки 2011 йилда актриса «Қичқириқ 4» фильмида иштирок этади.

Бини Фелдштейн

Бини 3 ёшга тўлиши муносабати билан «Кулгили қизлар» мавзусида зиёфат уюштирилади. Орадан кўп йиллар ўтиб, у «Бёрд хоним» ва «Таълим» фильмларида роль ўйнашга муваффақ бўлади. Аммо 2022 йилда мусиқий асарнинг қайта яратилиши эълон қилинганида Бини ролга эга бўлиш учун қўлидан келган ҳамма нарсани қилади. У бу ҳақда ижтимоий тармоқларда ёзиб, баъзида орзулар рўёбга чиқишини таъкидлайди.