Ko‘pchilik kunni qahva bilan boshlashga odatlangan, ammo sog‘lom turmush tarzini targ‘ib qiluvchilar orasida ko‘k choyga bo‘lgan qiziqish ortib bormoqda. Muntazam ko‘k choy ichish qanday afzalliklarga ega va bu odat umumiy salomatlikka qanday ta’sir qiladi?
Yaponiyada o‘tkazilgan tadqiqot natijalariga ko‘ra, qahva o‘rniga muntazam ko‘k choy iste’mol qilish keksa odamlar miyasidagi oq modda shikastlanishidan hosil bo‘ladigan demensiya holatlarini kamaytiradi, deb yozadi The Telegraph.
Qahva yallig‘lanishga qarshi ta’sirga ega ichimlik bo‘lsa-da, ko‘k choy kabi ko‘plab va uzoq muddatga yetadigan foydali emas. Ko‘k choy uning shifobaxsh xususiyatlarini kuchaytiruvchi katexinlarni o‘zi ochiga oladi. Ushbu antioksidantlarning 80 foizi foydali turdagi moddalar — epigallokatexin gallat (EGCG) dan iborat. Ular hujayralarga zarar yetkazmasdan oldin organizmdagi oksidlovchilarni faolsizlantiradi. Bundan tashqari, ushbu birikmalar insulin ishlab chiqarilishini tartibga soluvchi ta’sirga ega.
“Erkin radikallar bu yallig‘lanish va tanaga zarar yetkazishi mumkin bo‘lgan molekulalar sanaladi. Ko‘k choydagi antioksidantlar esa erkin radikallarni zararsizlantirishga xizmat qiladi” deya ma’lumot berdi Dietitian UK markazi diyetologi Priya Tyu.
Yapon ilmiy jurnalida nashr etilgan maqolaga ko‘ra, ko‘k choyning himoya ta’siri bosh miyada “amiloid β” nomli zararli moddalar to‘planishining oldini oladi. Ushbu modda Alsgeymer kasalligi bilan og‘rigan odamlarning miyasida joylashgan quyqalarning asosiy komponenti hisoblanadi.
Dietolog Priya Tyuning so‘zlariga ko‘ra, keksayganda aqliy zaiflikka chalinish xavfini kamaytirish uchun kuniga bir piyola ko‘k choy yetarli emas. Bir kunda 3-7 stakan ichishgina sezilarli foyda keltirishi mumkin.
Ko‘k choyning yuqoridagi afzalliklari bilan bir qatorida, diyetolog mutaxass Rob Hobson quyidagi ma’lumotlarni qayd etdi:
“Ko‘k choy yurak xastaliklarining oldini olishga ham yordam beradi. 2022-yilda o‘tkazilgan tadqiqotlarga ko‘ra, muntazam ravishda ko‘k choy iste’mol qilish taxikardiya, yuqori qon bosimi kasalliklarini bartaraf etish va lipidlarni kamaytirishi mumkinligi haqida ilmiy dalillar mavjud”.
Izoh (0)