Бир пиёла хуштаъм чойсиз деярли кунимиз ўтмайди. Биз чой баргларини қайноқ сувга солганимизда дарҳол ёқимли ва иссиққина чой ичиш учун тайёр бўлади. Бироқ қайноқ чойни дарҳол ичиш қанчалик тўғри? Бу ҳақда ҳеч ўйлаб кўрганмисиз?
Чой фойдали ичимликлардан бири ҳисобланса-да, уни нотўғри истеъмол қилиш соғлиқ учун хавф туғдириши мумкин. Бу ҳақда Америка саратон касалликлари жамияти (Америан Cancer Соcиэтй)нинг етакчи тадқиқотчиларидан бири, доктор Фарҳод Исломий фикрига таяниб “Спорц.кз” хабар берди.
Мутахассисларнинг айтишича, 60 градусдан юқори ҳароратдаги иссиқ чой ичиш саратоннинг айрим турлари ривожланишини икки баравар ошириши мумкин. Бундан ташқари, кунига 700 миллилитрдан кам миқдорда ва 60 даражадан иссиқ ҳароратда чой ичиш қизилўнгач саратони ривожланиш хавфини, тахминан, 90 фоизга оширишга олиб келадиган тадқиқот ўтказилган.
Мутахассиснинг фикрича, фақат чой эмас, ҳар қандай иссиқ ичимликлар ичиш бундай оқибатларга олиб келиши мумкин. У иссиқ ичимликлар истеъмол қилишни яхши кўрадиганларни бундай қилмасликка чақирди.
Шифокорлар ҳарорати 55 даражадан юқори бўлмаган чой ичишни тавсия қилади.
Изоҳ (0)