Буюк япон режиссёри Ҳаяо Миязакининг анимелар бўйича даҳолигига шубҳа йўқ. Лекин бу чуқур ўйга толдирадиган ажойиб анимацияларни бошқалар яратолмайди дегани эмас.
“Махлуқнинг шогирди”, Мамору Ҳосода (2015)
9 ёшли Рен исмли бола ота-онаси ажрашганидан кейин бирга яшаётган онасидан айрилади. У биологик отасини топа олмайди, лекин қонуний васийлари билан ҳам яшашни истамайди — шунинг учун бош қаҳрамон уйдан қочиб кетади. Рен Сибуя кўчаларида йиртқич ҳайвонлар яшайдиган параллел дунёга тушиб қолади. Болакай айиққа ўхшаган махлуққа шогирд бўлади ва шу ердан уларнинг дўстлиги бошланади.
“Сенинг исминг”, Макота Синкай (2016)
Мицуҳи Миямизу исмли қиз қишлоқдаги шаҳарчада яшайди, лекин катта шаҳарни орзу қилади. Унинг орзуси жуда кутилмаган тарзда амалга ошади — бир куни у Таки Тачибана исмли бола билан танаси алмашиб қолаётганини билиб қолади. Вақт ўтиши билан иккаласи бир-бири билан танишиб, ҳатто дўст бўлишади. Аммо бир кун улар таналарини алмаштиришни тўхтатади, чунки Таки Мицуҳини топишга қарор қилади.
“Ёнарқўнғизлар қабри”, Иса Такаҳата (1988)
Уруш нима эканлиги ва у бегуноҳ болалар учун қанчалик ҳалокатли бўлиши ҳақидаги самимий ва оғриқли аниме. Исао Такаҳата ҳақиқатан ҳам Ҳаяо Миязакининг энг яқин ҳамкорларидан бири, шунинг учун анимация мавзуси бир оз ўхшаш бўлиси мумкин.
Бу анимени томоша қилиш жараёнида оғриқ, умидсизлик, иштиёқ, севги, ғазаб — буларнинг барчаси сюжет воқеалари билан аралашиб кетади.
“Аме ва Юки — бўри болалари”, Мамору Ҳосода (2012)
Ҳана исмли ёш аёл бўридан туғган икки нафар фарзандини катта қилмоқда. Аме ва Юкининг отаси ов пайтида ўлдирилган. Она барча муаммоларни ўзи ҳал қилиши ва шу билан бирга фарзандларини бегона кўзлардан яшириши керак. Асосийси, онанинг ҳам, унинг болаларининг ҳам барча муаммолари одамларга жуда таниш, гарчи ҳикоя ярим одам, ярим бўрилар ҳақида бўлса ҳам.
“Паприка”, Сатоши Кон (2006)
Яқин келажакда ихтирочи бошқа одамларнинг тушларига кириш имконини берувчи қурилмани ўйлаб топади. Психотерапевт Ацуко ушбу қурилмадан беморларининг онгсизлик ҳолати билан ишлашда фойдаланади. Беморларнинг тушларида у Паприка исмли малласоч қиз сифатида намоён бўлади. Бироқ номаълум жиноятчилар қурилмани ўзлаштириб, оддий ва руҳий соғлом одамларни ҳам ақлдан оздиришни бошлайдилар.
Сатоши Кон Япониядаги энг ноодатий режиссёрлардан бири. Унинг маҳорати Ҳаяо Миязаки билан деярли бир хил. Анимеда, шунингдек, “Муқаддима” фильмига жуда ўхшаш кадрлар бор. Кристофер Нолан ушбу анимедан илҳомланган бўлиши ҳам мумкин.
Изоҳ (0)