Aksariyat multfilmlar aslida biz bir ko‘rishda payqamaydigan qiziqarli detallarga to‘la. Ba’zan esa bunday ishoralarni topish uchun kartinani bir necha marta qayta ko‘rib chiqish talab etiladi.
G‘alati ishora
Bunday ishorani ko‘plab multfilmlarda ko‘rgan bo‘lishingiz kerak. Jumladan, “Oppog‘oy va yetti gnom”, “Alisa mo‘jizalar mamlakatida” va boshqa ko‘plab filmlarda. Bu biror ma’noni anglatadimi yoki shunchaki tasodifmi? Ehtimol, qahramonlar shu yo‘l bilan yovuzlikdan o‘zlarini himoya qilishga uringandir. (Mazkur harakat “Sign of the horns” deyiladi. Bu ba’zan biror kishiga nisbatan yomonlik yoki aldamchilikni ifodalash uchun ishlatiladi.)
“Muzyurak 2”
“Muzyurak” multfilmidagi bir sahnada Anna “Maxluqlаr uyushmasi”dagi Salliga o‘xshab qo‘rqitmoqchi bo‘ladi. Salli o‘z dunyosi aholisi uchun energiya to‘plash maqsadida bolalarni aynan shu tarzda qo‘rqitar edi.
“Boshqotirma”
“Boshqotirma 2” multfilmining bir epizodida Quvonch Qayg‘uga Oila orolini ko‘rsatish uchun durbin beradi. Bu durbin “O‘yinchoqlar tarixi” multfilmlar seriyasidagi Lenni ismli qahramonga ishora qiladi.
“Kun-fu panda 2”
“Kun-fu panda 2” multfilmida janob Pin restoraniga kiraverishida yoriqlarni ko‘rish mumkin. Axir, birinchi qismda bu arka Po bilan Tay Lung o‘rtasidagi jang paytida vayron qilingan edi. Multfilm ijodkorlari buni yoddan chiqarmay, har bir voqeani ishonarli qilib tasvirlaydilar.
“Muzyurak”
“Muzyurak” franshizasining birinchi qismida Anna opasiga atab quvnoq qo‘shiq kuylaydi. Aynan shu kadrda saroy devorida san’at asarlaridan birini ko‘rish mumkin. U fransuz rassomi Jan Onore Fragonar tomonidan 1767-yilda chizilgan “Arg‘imchoq” surati edi.
“Gerkules”
Mazkur mutfilm epizodlaridan birida multfilm qahramoni Aid shunday deydi: “Bolalar, tinchlaning. Tomosha endigina yarmiga keldi” — bu gap roppa-rosa 46-daqiqada, ya’ni 92 daqiqalik multfilmning o‘rtasida aytiladi.
“Tepaga”
Qahramonlar sayohati paytida Dag tropik qushni izlab topgan yagona it bo‘ladi. Buning sababi, ehtimol, u yagona ov iti retriver bo‘lganidadir. Ovda ishtirok etayotgan boshqa barcha itlar esa qo‘riqchi it zotlariga mansubdir.
“O‘rgimchak odam: koinot bo‘ylab”
Maylz Morales Piter Parkerga tok bilan zarba berganida uning asab tizimi yongandek ko‘rinib ketadi. Ilgari multfilmlarda tok urganini tasvirlamoqchi bo‘lishganda skelet ko‘rsatilardi. Anatomiya nuqtayi nazaridan, bu yangi usul eskisiga qaraganda haqiqatga yaqinroq.
“Maxluqlar uyushmasi”
Birinchi multfilmda Salli tasodifan o‘g‘irlab ketgan qizaloqning haqiqiy ismini ko‘rish mumkin bo‘lgan lahza bor. Salli uni Bu deb chaqiradi, ammo qizaloq o‘z rasmlariga imzo qo‘yganida, aslida, uning ismi Meri ekanligi ko‘rinadi.
“Alovuddin”
“Alovuddin” multfilmidagi sahnalardan birida Alovuddin tasodifan Jasminga olma otganday bo‘ladi va malika uni ushlab oladi. Qadimgi Yunonistonda qizga olma otib, qo‘li so‘ralgan degan rivoyat bor. Agar qiz olmani ushlab olsa, bu rozilik belgisi.
“Maxluqlar uyushmasi 2”
Maxluqlar dunyosida energiya bolalarning qichqiriqlaridan hosil qilinadi. Bu qichqiriqlar maxsus idishlarda gaz holatida to‘planadi. Bu yerda energiya gaz shaklida bo‘lgani sababli chiroq o‘chirgichlari ventilyatsiya vazifasini o‘taydi, simlar o‘rniga esa quvurlar ishlatiladi.
Izoh (0)