Президент раислигида ўтказилган йиғилишлар, электромобилларни қувватлантириш учун махсус тариф жорий этилиши, тадбиркорларга электр энергия лимити бўйича енгиллик берилиши, Ғайрат Дўстов суд залидан озод қилиниши — “Дарё” нашри бугун, 3 январда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда электромобилларни қувватлантириш учун махсус тариф жорий этилиши кутилмоқда
Тунги вақтда 50 фоизгача арзонлаштирилган тариф қўлланиши мўлжалланмоқда.
Ўзбекистонда тадбиркорларга электр энергия лимити бўйича енгиллик берилди
Энергетика вазирлиги тегишли ўзгаришга изоҳ берди.
“Тошкент инвест” компанияси “Пулли тўхташ жойлари” дастурини яратиш учун қарийб 8 млрд сўм маблағ сарфлайди
Лотни ютиб олиш учун иккита – Россиянинг Intermobiliti масъулияти чекланган жамияти ҳамда Streetpark Systems компанияси иштирок этган.
Ўзбекистонда саноат, радиация ва ядро хавфсизлиги бўйича талабларни бузганлик учун жавобгарлик кучайтирилади
Бу соҳадаги ҳуқуқбузарликлар учун юридик шахсларга жарима қўллаш тартиби жорий этилади.
Ўрмон хўжалиги агентлигига янги директор тайинланди
Ушбу лавозимни Эркин Муҳитдинов эгаллади.
Ўзбекистонда аҳоли бандлигини таъминлашга қаратилган дастурга 1 млрд доллар йўналтирилди
Президентга банклар иштирокида маҳаллаларда аҳоли бандлигини таъминлаш ва даромадли қилиш чора-тадбирлари бўйича ахборот берилди.
Ботир Қодиров куйлаган “Бандаман” қўшиғи YouTube’да блокланди. Хонанда Жўраевларга мерос ҳуқуқидан тўлиқ фойдаланишини маълум қилди
“Яхши, унда мен ҳам сизларни блок қиламан, бунга менинг ҳам ҳаққим бор!”, дейди хонанда.
Янги йил муносабати билан Шавкат Мирзиёевга Испания қироли ва Ҳиндистон бош вазиридан қутловлар келди
Шунингдек, Осиё тараққиёт банки президенти Масасугу Асакавадан ҳам қутлов келган.
Шавкат Мирзиёев Нью Орлеандаги ҳодиса муносабати билан АҚШ президентига таъзия мактуби йўллади
Давлат раҳбари Ўзбекистон халқи номидан ҳалок бўлганларнинг оила аъзолари ва яқинларига ҳамдардлик изҳор этди.
Ўзбекистон ялпи ички маҳсулоти 2025 йилда 6 фоиз ўсиши кутилмоқда
Президентга “2025 йил учун Ўзбекистон Республикасининг давлат бюджети тўғрисида”ги қонун ижросини таъминлаш чора-тадбирлари тўғрисида ахборот берилди.
“Бир оилада болалар отасининг тадбирсизлигидан янги йилни нафақат кайфиятсиз, отасиз ҳам кутишга мажбур бўлди” — Алишер Қодиров
Қонунчилик палатаси депутати метан заправкада газ йўқлигидан шикоят қилиб, масъулларни танқид қилган фуқаро ҳақида фикрларини ёзиб қолдирди.
“Танқидни майда безорилик деб аташ хато” — адвокат судланувчи Ғайрат Дўстовга қўйилган айб ҳақида
Судланувчини 12 нафар адвокат ҳимоя қилмоқда.
Атоқли адиб ва жамоат арбоби Маҳмудхўжа Беҳбудий таваллудининг 150 йиллиги кенг нишонланади
Адибнинг “Танланган асарлар” тўплами нашрга тайёрланади ва чоп этилади.
Қишлоқ хўжалиги маҳсулотларини етиштириш тизими такомиллаштирилади
Хонадонлар ва кўп қаватли уйлар олдида қишлоқ хўжалиги маҳсулотлари етиштириш тизимини такомиллаштириш бўйича янги тартиб жорий этилади.
Ғайрат Дўстов суд залидан озод қилинди
Суд дастлабки инстанция қарорини қисман бекор қилди.
Изоҳ (0)