Футбол бўйича Испания Ла Лигасининг 23-турида “Реал” ва “Атлетико” 25 февраль, шанба куни ўзаро тўқнаш келди.
Мадрид дербисининг биринчи бўлимида дарвозалар дахлсиз қолди. Иккинчи бўлимда эса “матрасчилар” бир киши кам бўлиб ўйнади. 64-дақиқада Анхел Корреа қизил карточка олиб, майдонни тарк этди. 78-дақиқада Хосе Хименес Антуан Гризманнинг узатмасидан сўнг бош билан Куртуа дарвозасини ишғол қилди. 85-дақиқада Альваро Родригес мувозанатни тиклади. Ўйин 1:1 ҳисобидаги дуранг натижа билан якунланди.
“Реал” очколари сонини 51 тага етказиб, 2-ўринни эгаллаб турибди. Диего Симеоне жамоаси эса 42 очко билан 4-поғонани банд этган.
Ла Лига
23-тур баҳси
25 февраль, шанба
“Реал” – “Атлетико” 1:1
Голлар: 0:1 – 78 Хименес, 1:1 – 85 Родригес.
“Реал Мадрид”: Куртуа, Карвахаль (Васкес, 83), Рюдигер, Милитао, Начо (Родригес, 77), Кроос (Камавинга, 63), Себальос (Модрич, 63), Вальверде, Бензема, Асенсио (Тчуамени, 63), Винисиус Жуниор.
“Атлетико”: Облак, Молина, Савич, Эрмосо, Рейнилду (Хименес, 23), Льоренте (Лемар, 57), Сауль (Мората, 76), Коке (Витцель, 77), Барриос (Корреа, 46), Карраско, Гризманн.
Огоҳлантиришлар: Милитао (7), Коке (22), Льоренте (36), Начо (56), Молина (71), Модрич (90).
Четлатиш: Корреа (64).
Изоҳ (0)