Ла Лиганинг 18-тури доирасида Мадриднинг “Атлетико” клуби “Барселона” меҳмони бўлди.
Ўйиннинг 30-дақиқасида Педри ҳисобни очди. Орадан яна ярим соат ўтиб эса Родриго де Паул ҳисобни тенглаштирди.
Бош ҳакам томонидан ўйинга қўшиб берилган дақиқалар ўтиб бораётганда мадридликлар қарши ҳужумга қочиб кетди. Якунда Александер Серлот дарвозага тўп киритиб, жамоаси ғалабасини таъминлади.
“Барселона” бош мураббийи Ханс-Дитер Флик мағлубиятга шундай изоҳ берди:
“Биз ажойиб ўйин кўрсатдик. Футболчиларимнинг майдондаги ҳаракатларидан фахрланаман. Бироқ натижа ҳайрон қолдирди. “Атлетико” ўз имкониятини кутди ва уларга бу етарли бўлди. Бизда эса акси бўлди. Бугунги мағлубият жуда ҳам аламли бўлди. Бироқ ўйинчиларимнинг кўрсатган ўйнидан яхши маънода ҳайратга тушдим”.
“Атлетико” бош мураббийи Диего Симеоне ҳам ўз фикрлари билан ўртоқлашди.
“Футболчиларимиз курашга тайёр. Бизнинг энг катта кучимиз бирдамликдир. Жамоа буни амалда исботламоқда. Захирадан майдонга тушган футболчилар ўйинга яхши мослашишди. Биз мураббийлар айнан шуни хоҳлаймиз. Биз барчанинг бир сафда бўлишини хоҳлаймиз.
“Реал” ва “Барселона” каби монстрларга қарши кураш усулимиз шуки, бутун жамоа тайёр бўлиши керак.
“Барселона” ютқазган барча ўйинларида мағлубиятга лойиқ бўлмаганига шубҳа қилмайман. Улар “Леганес” (0:1) ва “Лас-Палмас”га (1:2) қарши баҳсларда ҳам кўп имкониятларга эга бўлишганди, аммо бу — футбол. Тўп дарвозага кирмаса, муаммолар бошланади”, — дейди аргентиналик мутахассис.
Изоҳ (0)