Ҳамзат Чимаев: “Агар мен Олимпия чемпионига қарши чиқадиган бўлсам, у мени янчиб ташлайди”

UFC юлдузи Ҳамзат Чимаев UFC 308 турнирида Роберт Уиттакернинг ғалаба қозониш имконияти бўлмаганини таъкидлади. Асли доғистонлик жангчининг сўзларига кўра, у биринчи дақиқалардаёқ беллашувни муддатидан аввал якунлашига ишонч ҳосил қилган.

Менимча, Уиттакер мен билан жангда ғалаба қозона олмасди. Одатда одамлар мени биринчи раундда тўлиқ кучини ишга соладиган спортчи деб билишади. Агар жангни тез тугатиш имкони бўлса, албатта, шундай қиламан. У билан ҳам шундай бўлди. Бир дақиқадан сўнг Робертни унчалик кучли эмаслигини тушундим. Шу боис жангни тезроқ тугатишга ҳаракат қилдим ва уддаладим, — деди Чимаев UFC’нинг YouTube-каналига берган интервьюсида

Шунингдек, Ҳамзат UFC спортчилари ва Олимпия чемпионлари ўртасидаги фарқни айтди:

Одамлар UFC жангчилари билан Олимпия чемпионлари ўртасидаги катта фарқни билишмайди. Агар мен Олимпия чемпионига қарши чиқадиган бўлсам, у мени янчиб ташлайди, — дея қўшимча қилди у.

Ҳамзат Чимаев ва Роберт Уиттакер ўртасидаги жанг UFC 308 турнирида бўлиб ўтган. Асли Чеченистондан бўлган швециялик жангчи биринчи раунддаёқ бўғиш усули билан ғалаба қозонди. Бу ғалаба Чимаевга ўрта вазн тоифасида чемпионлик жангига йўл очди. У 2025 йил 16 августда Чикаго шаҳридаги “United Center” спорт мажмуасида ўтказиладиган UFC 319 турнирида ҳозирги чемпион Дрикус дю Плесси билан жанг қилади.