Боку ва Мадрид шаҳарлари 2026/27 йилги мавсум Чемпионлар Лигаси финалига мезбонлик қилмоқчи, дея хабар бермоқда УЕФА.
Ташкилот Озарбайжон ва Испания футбол федерацияларидан мусобақанинг ҳал қилувчи ўйинини ўзида ўтказиш бўйича аризалар қабул қилиб олган. Озарбайжон финални мамлакат пойтахтидаги Олимпия стадионида ўтказишни режалаштирган, Испания эса “Атлетико”нинг уй стадионида финални қабул қилмоқчи. Қайд этиб ўтиш керак, “Тоттенҳэм” ва “Ливерпуль” жамоалари иштирокидаги 2018/19 йилги финал айнан шу стадионда бўлиб ўтганди. Унда мерсисайдликлар 2:0 ҳисобида ғалаба қозонган.
Аёллар ўртасидаги 2027 йилги Чемпионлар Лигаси финалини эса Польша (Варшава, Миллий стадион), Испания (Барселона, “Камп Ноу”), Швейцария (Базел, “Санкт-Якоб Парк”) ва Уэлс (Кардифф, “Миллениум”) кабилар ўзида қабул қилмоқчи.
Расмий аризалар 2025 йилнинг 19 мартига қадар қабул қилинади ва шундан сўнг май ойида финал ўтказиладиган стадион номи эълон қилинади.
Изоҳ (0)