Ўзбекистон миллий терма жамоаси ва “Ланс” клуби ҳимоячиси Абдуқодир Ҳусановни ўз сафига қўшиб олмоқчи бўлган жамоалар қаторига Туркия клуби ҳам қўшилди.
Хабарларга кўра, португалиялик мураббий Жозе Моуриньо етакчилигидаги “Фенербахче” клуби Ҳусановни ўз сафида кўришни истамоқда.
Турклар қишки трансфер ойнасидаёқ “Ланс”га Абдуқодирнинг трансфери бўйича таклиф жўнатади.
Аввалроқ АПЛнинг “Тоттенҳэм”, “Ньюкасл”, “Челси”, “Вест Ҳэм” ва “Лестер” клублари футболчига қизиқиш билдираётгани ҳақида хабар берилганди.
Бундан ташқари, “ПСЖ” ва Мадриднинг “Атлетико” клублари ҳам ҳимоячи хизматларидан фойдаланиш ниятида.
Transfermarkt портали футболчининг трансфер баҳосини 12 миллион еврога баҳолаган.
Абдуқодир Ҳусанов Франция чемпионатида октябрь ойининг “Энг яхши ёш футболчиси” деб топилганди.
Ҳусанов ёш бўлишига қарамай, Ўзбекистон терма жамоасининг ҳам асосий таркибидан муқим жой эгаллади. У ҳозиргача 18 учрашувда миллий жамоа шарафини ҳимоя қилди.
Изоҳ (0)