Кино саноати ҳар қандай қонунлардан қатъи назар, актёрдан максимал даражада фойдаланади. Балки мактаб ёшида бундай машҳурлик ҳар қандай болага йқар, лекин кейинчалик ҳам бош ролларга муносиб кўришадими, йўқми даргумон.
Киран Калкин
Киран Калкин икки ёшида саҳнада дебют қилган. У акалари — Маколей ва Роридан омадлироқ чиқди. Уларнинг менежери бўлган отаси Киранни тижорат нуқтайи назаридан ёқимсиз деб ҳисобларди, шунинг учун калтаклаш ва шафқатсиз жазо кўринишидаги “оталик меҳри”нинг асосий қисмлари акаларига тушади ва Киран машҳур бўлмасликка ҳаракат қилади.
Тахминан 90 йилларда отам икки-уч ҳафтага қаергадир кетди. Энага эса онамга: “Биласизми, уларнинг дадаси уч ҳафтадан бери йўқ, лекин ҳеч бири унинг қаердалигини сўрамади” деди, деб эслайди Киран.
Ўсмирлик йилларида Киран кичик лойиҳаларда пайдо бўлади. Улғайганда эса “Қоғоз одам”, “Скотт Пилгрим дунёга қарши”, “Фарго” фильмларида ижро этади.
Калкин “Авлодлар” сериалида бош қаҳрамонлардан бирини ўйнайди. У “Авлодлар”да ишлашни шунчалик яхши кўрардики, фақат шу лойиҳада у ўзининг бундан олдинги деярли 30 йиллик фаолияти беҳуда кетмаганини тушунади.
ушбу сериалдаги худбин Роман Рой роли учун Киран Калкин “Эмми” ва “Олтин глобус” билан тақдирланади.
Зак Эфрон
Зак Эфрон қанчалик қўрқинчли манякларни ёки романтик эркакларни ўйнамасин, кўпчилик учун у Disney’нинг “Ажойиб мюзикл” трилогиясидаги ўсмир бола бўлиб қолади.
Болалик ва ўсмирлик даврида актёр “Зак ва Кодининг ҳаёти” каби шоуларда, “Ёнарқўнғиз” ва “Тез ёрдам” сериалларида рол ўйнашга муваффақ бўлади. Аммо Зак 18 ёшга тўлганида уни юлдузга айлантирган “Ажойиб мюзикл” сериали эди. У вояга етганидан сўнг, мактаб ўқувчилари орасида шунчалик машҳур бўлиб кетадики, ёшларнинг кумири роли актёрга мустаҳкам ўрнашиб қолади.
Яқинда интернет фойдаланувчилари Эфроннинг ташқи кўриниши сезиларли даражада ўзгарганини пайқади. Актёрнинг ўзи бир-икки йил аввал жағи синганидан кейин юзи шакли ўзгарганини айтди. Зак Эфрон “янги” юзи билан курашчилар сулоласи ҳақидаги “Пўлат чангал”драмасида ўйнаган. Кураш ва экранда чинакам нозик актёрлик ўйинини уйғунлаштириш учун жуда кўп истеъдод талаб этилади, Эфрон буни уддалади.
Яқинда актёр ҳовузда ҳушсиз ҳолда топилди ва шошилинч касалхонага ётқизилди. Маълум бўлишича, Эфрон сувга сакраётганда йиқилиб тушган, аммо жиддий жароҳат олмаган. Бир неча кундан кейин у спорт билан шуғулланаётган суратларини тармоққа жойлаштирди.
Руперт Гринт
Агар Дениел Редклифф ўзини мустақил кино юлдузи, Эмма Уотсон эса жиддий актриса ва ижтимоий фаол сифатида кўрсатган бўлса, “Гарри Поттер”нинг бошқа юлдузи Руперт Гринтга эса омад кулиб боқмади.
Кўп интервьюларда Гринт Рон ролини ўйнашга қийналмаганини тан олади: гап шундаки, Уизли қаҳрамонига шунчалик аниқ кириб борганки, 12 ёшли бола учун бу шунчаки хавфли бўлиб чиқди. Ёши туфайли шахсий чегаралар ўзгармаганлиги сабабли Руперт Гринт ким ва Рон Уизли ким эканини билиб бўлмасди.
Кейинчалик режиссёрлар Гринтга худди шундай ролларни таклиф қилишади. Шундан сўнг Руперт мазкур образидан бошқа ҳеч нарса ўйнай олмаслиги туфайли кучли қўрқувни бошдан кечиради. Бу орада Гринтнинг ўзини ўзи англаш билан боғлиқ муаммолари борлиги ҳақида миш-мишлар тарқалади.
Шунинг учун Гринт узоқ вақт давомида йирик лойиҳаларга таклиф қилинмайди. Аммо сўнгги йилларда ҳозирда 36 ёш бўлган Руперт Гринтга омад кулиб боқа бошлади. Актёр Шямалан эътиборига тушади — у “Хизматкор” телесериалида ва “Тақиллаган эшик” фильмида суратга тушади. Руперт, шунингдек, “Гилермо дел Торонинг ғаройиб кабинети” сериалининг эпизодларидан бирида кўриниш берган.
Томас Броди-Сангстер
Мафтункор, жингалак сочли болакай Томас Броди-Сангстер ёшлигиданоқ “Чин муҳаббат”, “Менинг қаттиққўл энагам” ва “Сўнгги легион” каби хит фильмлари билан танилган. 2024 йилда Томас актриса ва Илон Маскнинг собиқ рафиқаларидан бири — Талула Райлига уйланди.
Томаснинг унутилмас кўриниши деярли унинг тавқи лаънатига айланади: гарчи Броди-Сангстер 34 ёшда бўлса ҳам йиллар давомида ўспирин қиёфасини сақлаб қолади. Бўй 180 сантиметр бўлса-да, лекин ташқи кўриниши ўсмирникидек бўлса, актёр учун бу фожиадан бошқа нарса эмас.
Кўп жиҳатдан унга учта фильмда Нют ролини ўйнаган машҳур “Лабиринтдагилар” сериали ёрдам беради. Аммо ҳақиқий машҳурлик актёрнинг “Қиролича юриши” фильмидаги роли бўлди: ҳамма Аня Тейлор-Жой ҳақида ақлдан озган бир пайтда, кино мухлислари Томас ҳақиқатан ҳам улғайганини ва бу тажриба натижаси эканлигини таъкидлашди.
Изоҳ (0)