HBO телеканали “Гарри Поттер” сериалидаги учта асосий қаҳрамонни ўйнаш учун номзодларни қидиришни бошлади. Суратга олиш ишлари 2025–2026 йилларда бўлиб ўтади.
Гарри, Рон ва Гермиона ролини 2025 йилда 9-11 ёшга тўладиган Буюк Британия ёки Ирландиядан келган болалар ўйнайди. Компания, шунингдек, кастинг барча ирқлар, этник халқлар вакиллари учун очиқ бўлишини таъкидлади.
Биз инклюзив ва хилма-хил бўлишга ҳаракат қиляпмиз. Шунинг учун миллати, жинси, ногиронлиги, ирқи, жинсий ўзига хослиги ёки қонун билан ҳимояланган бошқа белгилардан қатъи назар, ариза беришларини сўраймиз.
Номзодлардан иккита қисқа видео тақдим этиш сўралган, улардан бирида “Гарри Поттер”дан эмас, балки қисқа шеър ёки ҳикояни ўқиш керак. Иккинчи видео номзоднинг ўзи ҳақида ҳикоя бўлиши ва туғилган куни, бўйи ва яшаш манзилини ўз ичига олиши керак. Шунингдек, номзодлардан ўз она тилида гапиришлари сўралган.
Эълонда тасвирга олиш ишлари Буюк Британияда 2025—2026 йилларда бўлиб ўтиши айтилган. Сериалнинг чиқиш санаси маълум эмас, лекин аввалроқ Warner Bros. Discovery бош директори Девил Заславнинг хабар беришича, фильм релизи 2026 йилга мўлжалланган.
Изоҳ (0)