Yandex Music «Менинг тўлқиним» ақлли тавсиялар тизимига янгиланиш киритди — энди фойдаланувчилар фақат ўзбек тилидаги трекларни танлашлари ёки, масалан, фақат сўзсиз қўшиқларни ёки чет тилларидаги мусиқаларни танлашлари мумкин. Бу ўзбек санъаткорлари ўз аудиториясини тезроқ топишга ёрдам беради, тингловчиларга эса мусиқий тавсияларни ўз хоҳишларига мослаштириш имконини беради.
Тавсиялар тизими қандай ишлайди ва мослашади? Бу ҳақида Yandex Uzbekistan бошлиғи Иззат Шукуровдан билиб олдик.
«Менинг тўлқиним» нима?
«Менинг тўлқиним» — бизнинг мусиқий тавсияларимизни ривожлантиришдаги навбатдаги қадам. Ҳаммаси Yandex Radio’дан бошланди, кейин эса ҳар куни янгиланадиган ақлли плейлистлар пайдо бўлди. Аммо фойдаланувчилар янада жўшқинроқ тизимни хоҳлашарди. Шу сабабли, мусиқани реал вақт режимида фойдаланувчининг хоҳишларига мослайдиган тавсиявий оқим ғояси пайдо бўлди.
«Менинг тўлқиним»нинг асосида чуқур нейрон моделлар ётади, улар тинглаш тарихини, треклар кетма-кетлигини ва бошқа кўплаб омилларни таҳлил қилади. Бу тизимга нафақат ҳозирги хоҳишларни ҳисобга олиш, балки келажакда ёқиши мумкин бўлган трекларни ҳам олдиндан билиш имконини беради.
«Менинг тўлқиним»ни ўзбек тилидаги мусиқага созлаш функцияси — локал контентни қўллаб-қувватлашдаги муҳим қадамдир. Биз Ўзбекистон аудиториясининг катта қисми ўзбек тилидаги контентни афзал кўришини тушунамиз. Аммо мамлакат кўп миллатли ва кўп маданиятли бўлгани сабабли, чет тилларидаги контентни истеъмол қилиш ҳолати ҳам ҳисобга олинади. Ушбу созлама фойдаланувчиларга маданий хоҳишлари ва қизиқишлари ўртасида мувозанат топишга ёрдам беради.
«Менинг тўлқиним» нафақат Ўзбекистон аудиторияси билан боғлиқликни кучайтиради, балки маҳаллий ижрочиларни ҳам қўллаб-қувватлайди, уларнинг мусиқасини қулай ва осон тинглашга имкон яратади.
Тавсиялар тизими қандай ишлайди?
Тизим икки ёндашувни бирлаштиради:
- Коллаборатив филтрлаш — мусиқий диди яқин бўлган фойдаланувчиларнинг танловини таҳлил қилади ва уларга ёққан нарсаларни тавсия қилади.
- Контентни таҳлил қилиш — нейрон тармоқлар ёрдамида трекларнинг оҳанг, ритм ва услуб каби аудио элементларини ўрганиб, ўхшаш мусиқаларни топади.
Матн тилини аниқлаш алоҳида аҳамиятга эга. Алгоритмлар қўшиқларни автоматик таҳлил қилади ва тингловчиларга уларнинг афзал кўрган тилида трекларни тавсия қилади.
«Менинг тўлқиним» қанчалик тез мослашади?
«Менинг тўлқиним»нинг асосий афзалликларидан бири — унинг тезкорлиги. Алгоритмлар юзлаб омилларни таҳлил қилади, жумладан, ёқиш, ёқмаслик, трекларни ўтказиб юбориш ёки охиригача тинглаш каби ҳаракатларни, шунингдек, илова интерфейси билан ўзаро алоқаларни ҳам. Хизмат ҳатто фойдаланувчилар бошлаган мусиқанинг кайфиятига – хафа ёки қувноқ эканлигига ҳам эътибор қаратади. Ушбу фаолият дарҳол қайта ишланади, натижада реал вақт режимида тавсиялар фойдаланувчининг ҳозирги хоҳишларига мослашиб, максимал даражада долзарб трекларни таклиф қилади.
Маҳаллий ижрочиларга фойдаси
«Менинг тўлқиним»нинг шахсийлаштирилган тавсиялари ёш ўзбек ижрочиларига ўз аудиториясини топишда ёрдам беради. Масалан, Yandex Music платформаси томонидан ишга туширилган Tandir Music Lab лойиҳаси ўзбек мусиқасини оммалаштириш учун муҳим лойиҳага айланди. У миллий мусиқий анъаналарни замонавий талқинда тақдим этиб, ноёб истеъдодларни кашф қилишга ёрдам беради. Шу орқали санъаткорлар тингловлар сонини ошириб, янги аудиторияни жалб қилиш имкониятига эга бўладилар.
Ўзбекча тавсияларнинг таъсири
«Менинг тўлқиним» орқали маҳаллий контентни қўллаб-қувватлаш хизматни тингловчиларга яқинроқ қилади. Фойдаланувчилар ўз маданий ва тил хоҳишлари ҳисобга олинганини ҳис этадилар, ўзбек санъаткорлари эса ўсиш ва тарғибот учун платформага эга бўладилар. Масалан, Таndir Music Lab’даги трекларнинг машҳурлиги шахсий тавсияларга тушганидан кейин сезиларли даражада ошди.
Yandex Music ҳар бир фойдаланувчи ўзига яқин мусиқани, ҳар бир санъаткор эса ўз тингловчисини топиши учун шароит яратиш муҳимлигини ҳисобга олади.
Шериклик ҳуқуқи асосида.
Изоҳ (0)