Карло Анчелотти “Реал”нинг собиқ футболчилари — Роналду, Бэйл ҳамда Азар ҳақида фикр билдирди

Карло Анчелотти “Челси”нинг собиқ футболчиси Жон Оби Микель бошчилигидаги The Obi One Podcast дастури меҳмони бўлди.

Ёзда Килиан Мбаппе Мадрид жамоасига қўшилди.

Подкаст давомида Оби Микель шундай деди: “Арда Гулер, Эндрик, Родриго, Мбаппе, Винисиус, Беллингем — сизда даҳшатли жамоа бор”.

“Жуда даҳшатли, ҳа. Шунинг учун биз қоидаларни ўзгартириб, майдонга 11 нафардан кўпроқ футболчи туширишимиз керак.
Роналду кетганидан сўнг биз йилдан йилга ажойиб ёш футболчиларни сотиб олдик”.

Анчелотти “қироллик клуби”нинг бошқа юлдузларини ҳам эслади.

“Криштиану Роналдуга мураббийлик қилиш жуда осон эди. Агар жамоангизда ҳар бир ўйинда гол урадиган ўйинчи бўлса, бу албатта осон! Гарет Бэйл мен мураббийлик қилган энг яхши футболчилардан бири. Бу ерда, Мадридда уни афсона деб ҳисоблашади.

Эден Азар — фантастик йигит, унинг муаммоси, албатта, жароҳатлар эди. Лекин, менимча, унга рақобат қилиш ҳам қийин бўлди. Агар ўйнамасанг, машғулотларда анча қизғин ишлаш керак. Эденга бир вақтнинг ўзида рақобат қилиш, курашиш ва ўйнаш қийин бўлди”, дейди “Реал Мадрид” мураббийи.

Маълумот учун, Роналду 2009—2018 йиллар давомида “Реал” сафида ўйнаган ва 292 учрашувда 311 та гол урган.