Винисиус Жуниор “Реал Мадрид”нинг янги 7-рақам эгасига айланди. Аввалроқ футболчи 20, 25 ва 28-рақамлар остида ҳаракат қилганди. Эден Азар кетганидан кейин клубнинг афсонаси футболкаси бразилияликка тақдим этилди.
7-рақам — “Реал” учун ўзига хос аҳамиятга эга. Бу рақам остида клубнинг бир неча афсонаси ёрқин йилларни ўтказган. Қуйидаги ушбу рақам остида ҳаракат қилган “Реал” афсоналари ҳақида сўз боради.
Хосеито
Айни вақтда “Реал” 14 карра ЕЧЛ/ЙЧК ғолиби ҳисобланади. Илк соврин эса 1956 йилги “Реймс”га қарши ўтган финалда (4:3) қўлга киритилганди. Еттинчи рақам остида эса ярим ҳимоячи Хосеито ҳаракат қилган.
Хосеито “Реал” билан тўрттадан Чемпионлар Кубоги ва Испания чемпионати ғолибилигини қўлга киритган. Ҳатто рақами мос равишда 77 та гол урган. Жамоа сафида жами 178 та ўйин ўтказган.
Раймон Копа
У 1950 йиллар сўнгидаги кучли жамоанинг бир бўлаги бўлган, 1958 йилда эса “Олтин тўп”га эга чиққан. Копа бир неча йил аввал пайдо бўлган совринни қўлга киритган Алфредо ди Стефанодан кейин иккинчи “Реал” вакили бўлганди.
Копа “Реал”да бор-йўғи учта мавсум ўтказди ва ўша вақтлари ажойиб жамоага эга бўлган “Реймс”га қайтиб кетган. Бироқ “Реал”да ўзидан сезиларли из қолдиришга муваффақ бўлган.
Аманисио Амаро
Мадрид клуби билан тўққиз марта Испания чемпионлигини қўлга киритган Амаро Чемпионлар Кубогида битта совринга эга чиққан. Сантьяго Бернабеу уни жамоага олиб келишда асосий ролни ўйнаган.
Хуанито
1970/80 йиллар юлдузи “Реал” билан иккита УЕФА Кубогини қўлга киритган, беш карра Испания чемпионига айланган. Еврокубоклардаги сўнгги ўйинида эса Лотар Маттеуснинг қўпол ҳаракатига жавобан рақибининг юзини босиб олади ва бу унинг УЕФА томонидан беш йилга дисквалификация қилинади.
“Реал”нинг XXI асрдаги ёрқин ғалабалари гувоҳ бўлиш Хуанитога насиб этмади. 1992 йил “Реал”нинг УЕФА Кубоги ярим финали доирасида “Торино” устидан қозонган ғалабали ўйинидан кейин Meridaга (ўша шаҳар клубини бошқарарди) қайтишда автоҳалокатга учраб, вафот этади. Хуанито ўша вақтда 37 ёшда эди.
Эмилио Бутрагеньо
“Реал” клуби тарихидаги энг яхши футболчилардан бири бўлган Эмилио Испания пойтахтидаги узоқ йилларни жуда кўтаринки руҳда ўтказганди. Бутрагеньо 1980 йиллларда Ла Лигада кетма-кет бешта чемпионликни қўлга киритган “Реал”нинг асосий қуроли эди. Хуанито билан бирга иккита УЕФА Кубогини қўлга киритганди.
Унинг фаолиятида “Реал”дан бошқа яна битта бўлган, холос. Эмилио фаолиятининг сўнгги уч йилини Мексиканинг “Селая” жамоасида ўтказган.
Рауль
“Реал” тимсолига айланган испаниялик футболчи ўз вақтида клуб тарихидаги энг яхши тўпурарга айланганди. Фақат Криштиану Роналду ва Карим Бензема унинг натижасини ортда қолдира олди.
Рауль Испания терма жамоасида ҳам деярли ҳар доим 7-рақамда ўйнаган, бироқ бошида 10-рақам остида ҳаракат қилганди.
Криштиану Роналду
Бу эса голлар сони бўйича клуб рекордчиси. 450 та гол. Роналду “Реал”даги дастлабки мавсумини 9-рақам остида ўтказган. У вақтда бу рақам афсонавий Раулга тегишли эди.
Бошқалар. “Реал”да яна бир қанча номдор 7-рақам эгалари бўлган. Фернандо Серена, Маноло Санчис, Луис Энрике, Алфонсо, Хуан Эснайдер ва Хосе Амависка шулар жумласидан.
Изоҳ (0)