Мадриднинг “Реал” клуби “Ливерпуль” ва Нидерландия терма жамоаси марказий ҳимоячиси Виржил ван Дейкни ўз таркибига қўшиб олишни режалаштирмаяпти.
Marca нашрининг хабарига кўра, “қироллик клуби” трансфер стратегиясида ёшроқ футболчиларга эътибор қаратиб, муаммоли позицияни узоқ муддатга ҳал қила оладиган ўйинчиларни излаш ниятида.
Шу билан бирга, “Ливерпуль” сафида “Реал”ни қизиқтираётган ягона футболчи 26 ёшли ўнг қанот ҳимоячиси Трент Александер-Арнольд ҳисобланади. Клублар ўртасида унинг трансфери бўйича музокаралар олиб борилмоқда.
Бунга қадар, матбуотда ван Дейкнинг “Ливерпуль” билан шартномаси 2025 йилнинг ёзида тугаши сабабли, у эркин агент сифатида “Реал”га ўтиши мумкинлиги ҳақида маълумотлар тарқалган эди. Аммо ҳозирча бу вариант “қироллик клуби” режаларида йўқ.
Изоҳ (0)