Намангандаги Шимолий Фарғона каналида чўкиб кетган 11 ёшли қизнинг жасади топилди. Бу ҳақда «Дарё» мухбири хабар бермоқда.
2021 йил 15 июнь куни Поп туманидаги «Анҳор» МФЙда яшаган, 2009 йилда туғилган, 37-умумтаълим мактабининг 5-синф ўқувчиси бўлган қиз маҳалла ҳудудидан оқиб ўтган Шимолий Фарғона каналига тенгдошлари билан бирга чўмилиш мақсадида бориб, сувга тушган ва қайтиб чиқмаганди.
Бу ҳақда келиб тушган тезкор хабардан сўнг ФВБ ходимлари воқеа жойига етиб келган. Ғаввослар томонидан канал йўли 4,5 метрлик сетка билан тўсилиб, сув ости қидирув ишлари олиб борилган.
Бугун, 18 июнь куни соат 08:45 атрофида қизнинг жасади у чўмилиб чўккан жойдан 155 метр наридан топилди.
Ҳозирда ҳолат юзасидан суриштирув ишлари олиб борилмоқда.