“Грузия орзуси” партиясидан номзод Михаил Кавелашвили Грузия президенти этиб сайланди. Марказий сайлов комиссияси маълумотларига кўра, у сайловчилар ҳайъати аъзоларининг 224 овозини қўлга киритди. Кавелашвили президентлик лавозимига ягона номзод бўлган.
Мтавари телеканали тарқатган маълумотларга кўра, сайловда жами 225 нафар сайловчи қатнашган. Канал материалида айтилишича, Михаил Кавелашвилига овоз бермаган депутат Ада Маршаниянинг бюллетени ҳақиқий эмас деб топилган.
Овоз бериш Грузия парламентида сайлов комиссиясининг йиғилишида соат 5 соат давомида ўтказилди. Комиссия 300 нафар парламент аъзоси ва депутатдан ташкил топган бўлиб, уларнинг 211 нафари “Грузия орзуси” партияси вакилларидан иборат. Сайловда ғалаба қозониш учун кўпчилик овозини, яъни 300 тадан камида 151 та овозни олиш керак эди.
53 ёшли сайланган президент — футбол бўйича Россия (“Спартак‑Алания” сафида 1 карра) ва Грузия (6 карра) чемпиони, у Тбилисининг “Динамо” жамоасида ўйнаган. 2016 йилдан бери Кавелашвили “Грузия орзуси”дан парламент депутати бўлган, 2022 йилда эса ҳукмрон “Халқ кучи” партиясидан “ажралиб чиққан” партияга раҳбарлик қилган. Айнан шу партиядан сайланган депутатлар Грузиянинг “хорижий агентлар” тўғрисидаги қонунини кўриб чиқиш ташаббусини илгари сурганди.
Овоз бериш пайтида парламентда Кавелашвилининг тайинланишига қарши норозилик акцияси бўлиб ўтди; мухолифат сайланган президентни олий маълумотга эга бўлмагани учун танқид қилмоқда. Шунингдек, 17 кундан буён мамлакатда Европа интеграциясини қайта тиклаш ва парламентга янги сайлов ўтказиш талаби билан акциялар ўтказилмоқда.
Грузиянинг амалдаги президенти Саломе Зурабишвили “қонуний парламент сайловигача ўз лавозимида қолишини” маълум қилди.
Изоҳ (0)