Ижтимоий тармоқларда Хоразмда фотиҳаси бузилган қиз ўзини каналга ташлаб ўз жонига қасд қилгани, унинг жасади 10 кундан бери топилмагани, қидирув жараёнлари тўхтатилгани, маҳаллий давлат идоралари томонидан ҳам бирор кўмак кўрсатилмаётгани ҳақида хабар тарқалди.
Унда айтилишича, 2001 йилда туғилган қиз Д.Э. унаштирилган бўлган. Бўлажак турмуш ўртоғининг қариндошлари билан юзага келган келишмовчилик сабаб фотиҳаси бузилган. Қиз 14 август куни Тупроққалъа тумани Питнак шаҳар ҳудудидан оқиб ўтаётган каналга ўзини ташлаб, жонига қасд қилган.
Вилоят ФВБ матбуот хизмати ҳолат юзасидан расмий маълумот берди.
Маълум қилинишича, фуқаронинг сувга чўкканлиги ҳақидаги хабар келиб тушган вақтдан бошлаб, Фавқулодда вазиятлар вазирлигининг Хоразм вилояти бошқармаси қидирув-қутқарув гуруҳи томонидан Тошсоқа чап қирғоқ каналида сувда қидирув ишлари олиб борилмоқда. Канал оқими бўйлаб, Тупроққалъа, Хазорасп, Боғот, Хонқа туманлари, Урганч шаҳар ва тумани Фавқулодда вазиятлар бўлимларидан масъул ходимлар қидирув ишларига сафарбар этилган.
Қўшимча қилинишича, қидирув-қутқарув жараёнига барча алоқадор хизматлар ҳам жалб қилинган бўлиб, мавжуд имкониятлардан тўлиқ фойдаланилмоқда.
Мавзуга доир:
- Фарғонада эри билан жанжаллашиб қолган 22 ёшли аёл ўзини Катта Фарғона каналига ташлаб, чўкиб кетди
- Андижонда жонига қасд қилган набирасини қутқариш учун ўзини каналга ташлаган отахоннинг жасади 9 кун ўтиб топилди
- Жалақудуқда аёл ўзини каналга ташлаб, ҳалок бўлди. Унда руҳий хасталик бўлгани айтилмоқда
Изоҳ (0)