Талабалар учун қишки таътил муддати белгиланиши, Тошкент вилоятидаги корхонада газ портлаши оқибатида бир киши вафот этиши, депутатлар 9 дақиқада вазирлик ва идораларнинг 2024 йилдаги харажатлари оширилишини маъқуллаши — “Дарё” нашри бугун, 5 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Ўзбекистонда талабалар учун қишки таътил муддати белгиланди
ОТМ талабалари, техникум, коллеж, касб-ҳунар мактаби ва академик лицейлар ўқувчилари 14 кун дам олади.
“Ҳаммага тенг рақобат бўлиши шарт” — электрон бозор, маркетплейслар ва мавжуд муаммолар ҳақида
“Дарё” ушбу мавзуда электрон тижорат вакиллари — Ўзбекистон “Селлерлар” уюшмаси раиси Тимур Рашидов, Uzum Market сотувчиси Муҳаммаджон Муроджонов ҳамда иқтисодчи Отабек Бакиров билан суҳбатлашди.
Ўзбекистонда илк марта ноёб артерия ва аорта жарроҳлик амалиёти ўтказилди
Жарроҳлик давомида катта кециклар қилинмасдан, эндопротез аорта ичига жойлаштирилди, натижада қон оқими тикланиб, бемор ҳаётининг хавфсизлиги таъминланди.
Тошкент вилоятидаги корхонада газ портлаши оқибатида бир киши вафот этди
Яна 6 нафар фуқаро тан жароҳати олиб, шифохонага ётқизилган.
Омбудсманга 10 ойда руҳий, жисмоний босим ўтказилгани юзасидан 158 та шикоят келиб тушди
Қийноққа солиш ҳолатларини аниқлаш ва олдини олиш юзасидан амалга оширилган ишлар юзасидан маълумот берилди.
“Ўзкимёсаноат”га янги раҳбар тайинланди
Ушбу лавозимни аввал ҳам “Ўзкимёсаноат”да ишлаган Одил Темиров эгаллади.
“Атом энергияси бўйича илғор технологияларнинг жорий этилиши мамлакатимиз тараққиётига кучли туртки беради” — Шавкат Мирзиёев
Самарқандда атом энергиясидан тинч мақсадларда фойдаланишга бағишланган халқаро конференцияда президент мурожаати ўқиб эшиттирилди.
Ўзбекистон инсон ҳуқуқлари “Эзгулик” жамияти Франциянинг “Озодлик, тенглик, биродарлик” халқаро мукофоти билан тақдирланди
Ушбу мукофотнинг мақсади бутун дунёда инсон ҳуқуқларини илгари суриш ва ҳимоя қилишда фуқаролик жамиятининг асосий ролини тан олишдир.
Шавкат Мирзиёев Гурбангули Бердимуҳамедов билан халқаро вазият ва минтақавий кун тартибини муҳокама қилди
Суҳбат чоғида Ўзбекистон президенти Туркманистон етакчисини Бетарафлик куни билан самимий табриклади.
Ўзбекистонда 2025 йили автомобиль экспортини 700 млн доллардан ошириш режалаштирилмоқда
Президент автомобиль саноатида 2025 йил учун устувор вазифаларга оид тақдимот билан танишди.
Тошкентда 1,5 соат ичида иккита ЙТҲ содир бўлди
Ҳодисалар оқибатида жароҳатланганлар йўқ.
Фарғонадаги иссиқхонада 1,6 млрд сўмлик табиий газдан ноқонуний фойдаланилди
Тўпланган барча ҳужжатлар қонуний баҳо бериш учун ҳуқуқни муҳофаза қилувчи органларга юборилди.
Иссиқлик таъминоти объектлари қиш мавсумига 100 фоиз тайёр — Қурилиш ва уй-жой коммунал хўжалиги вазирлиги
Электр энергиясида узилишлар бўлган вақтда ҳам иссиқлик таъминотини бир меъёрда ушлаб туриш учун қозонхоналарни генераторлар билан жиҳозлаш белгиланган.
Депутатлар 9 дақиқада вазирлик ва идораларнинг 2024 йилдаги харажатлари оширилишини маъқуллади
Ушбу ҳолатга жамоатчилик фаоллари ва парламент вакиллари муносабат билдирди.
Музаффар Комилов Ўзбекистон халқаро ислом академияси ректори этиб тайинланди
Уйғун Ғафуров эса бошқа ишга ўтиши муносабати билан академия ректори лавозимидан озод этилди.
Изоҳ (0)