Абу-Дабига киритилмаган ўзбекистонликларнинг бир қисми Тошкентга қайтиши, ҳуқуқни муҳофаза қилувчи органлар ходимларига доир тақиқлар белгиланиши, Ёшлар ўртасидаги Осиё ўйинлари Тошкентда ўтказилмаслиги, Тошкент — Хожикент — Тошкент йўналишида янги тезюрар электропоезд қўйилиши — “Дарё” нашри бугун, 2 декабрда эълон қилинган Ўзбекистоннинг ижтимоий-сиёсий ҳаётига оид эътиборга молик хабарларни бир жойга тўплади.
Абу-Дабига киритилмаган ўзбекистонликларнинг бир қисми Тошкентга қайтди
Шайх Зайд номидаги халқаро аэропортда 31 нафар Ўзбекистон фуқароси номаълум сабабларга кўра амирликлар ҳудудига киритилмаганди.
Андижонда пул ташиладиган автомобилга ниқобли босқинчилар ҳужум қилди
Улардан бири қўлга олинди.
Ўзбекистонда ҳуқуқни муҳофаза қилувчи органлар ходимларига доир тақиқлар белгиланди
Хусусан, уларга тадбиркорлик фаолияти билан шуғулланиш тақиқланади.
Туман ҳокимидан президентгача: Ўзбекистоннинг яқин тарихида жонига қасд қилинган олти амалдор
Ўзбекистоннинг яқин ўтмишида амалдорларнинг жонига қасд қилиш билан боғлиқ бир қанча жиноятлар юз берган бўлса-да, жамоатчилик бу ҳақда деярли маълумотга эга эмас. Чунки уларнинг тафсилотлари матбуотда қарийб ёритилмаган. Мазкур мақолада Ўзбекистон халқ шоири Эркин Воҳидов, мамлакат вице-президенти Шукрулло Мирсаидов, биринчи президент Ислом Каримов ҳамда уч нафар ҳокимларга уюштирилган суиқасдлар ёдга олинади.
Яшнободлик 11 ёшли фотограф: “Келажакда дунё кезиб, профессионал фотограф ва фудблогер бўлмоқчиман”
Самира Ҳасанова 11 ёшли яшнободлик ҳаваскор фотограф. 5 ёшидан расмлар олишни бошлаган, деярли барча турдаги ҳаваскор фотоаппаратларнинг бошланғич созламаларини тушунади. “Дарё” фотомухбири Мадина Нурман Самира билан суҳбат қурди.
Ўзбекистон ЖСТга аъзо бўлиш бўйича Филиппин билан музокараларни якунлади
Икки ойда мамлакат ташкилотнинг 4 та аъзоси билан унга қўшилиш бўйича музокараларни якунлади.
Ёшлар ўртасидаги Осиё ўйинлари Тошкентда ўтказилмайдиган бўлди
Осиё Олимпия кенгаши маълумотига кўра, мезбонлик Баҳрайнга берилган.
Пойтахтда 24 соатлик жамоат транспорти: тизимга ва бюджетга юклама берадиган лойиҳа нега керак?
Мазкур ғоя аҳолининг баъзи қатлами учун қулайлик яратиши билан бирга, транспорт тизими харажатлари ортиши, хавфсизликни таъминлаш масаласини ҳам ўртага чиқаради.
Тошкент вилояти ҳокимининг собиқ ўринбосари Эркин Муҳитдинов Экология вазирлигида иш бошлади
Муҳитдинов октябрь ойида президент раислигида ўтказилган видеоселектор йиғилишида фаолиятидаги камчиликлар учун ишдан олинганди.
“Пандемиядан кейинги чекловлар сабабли Олимпия шаҳарчаси қурилиши учун зарур воситалар етказиш жараёнида узилишлар кузатилгани” – МОҚ
Ўзбекистонга Ислом бирдамлиги ўйинлари ёки Жанг санъати ўйинларини ўтказишга тайёргарлик кўриш тавсия қилинган.
Тошкент — Хожикент — Тошкент йўналишида янги тезюрар электропоезд қўйилади
Одатдаги жадвал асосида қатнаб келаётган электропоездларнинг қатнов вақтлари ўз ўрнида қолади.
“5 кун давомида +8 даражадан паст бўлган” қоида: Совет давридан қолган бузуқ тизимдан воз кечилади
Бу қоида кенг жамоатчилик томонидан кескин танқидга учради ва кенг муҳокамаларга сабаб бўлди.
Ўзбекистонда 2025 йили тоғ-кон ва геология соҳасидаги лойиҳаларга 1 млрд доллар инвестиция жалб қилинади
Президент металлургия корхоналарининг трансформация дастурлари ҳамда 2025 йилги режалари билан танишди.
Изоҳ (0)