Келин салом— узоқ йиллардан бери давом этиб келаётган урф-одатларимиздан ҳисобланади. Одатда тўйнинг эртаси куни ўтказиладиган ушбу маросим ҳам санъаткорлар иштирокисиз ўтмайди. Қуйида бугунги кунда энг талаб юқори бўлган “келин салом”чи актрисалар ва уларнинг хизмат ҳақи ҳақида сўз юритилади.
Маҳфуза Боботиллаева
Ўзбек миллий академик драма театри актрисаси Маҳфуза Боботиллаева келин салом маросимини ўтказиш учун 200 доллар сўрайди.
Хосият Ҳусанова
Яна бир эл ардоғидаги актриса Хосият Ҳусанова ҳам бугунги кунда келин салом ўтказишда фаол. Унинг гонорари эса 250 долларни ташкил этади.
Меҳри Бекжонова
Ўзбекистон халқ артисти Меҳри Бекжонова ҳам ушбу тадбирни ўтказиш учун 250 доллар сўрайди.
Муқаддас Холиқова
Ўзбек миллий академик театри актрисаси, кинофильмлардаги турли образлари билан мухлислар меҳрини қозонган Ўзбекистон халқ артисти Муқаддас Холиқованинг келин салом ўтказиб бериш нархи 300 доллар қилиб белгиланган.
Раъно Ярашева
Ўзбекистонда хизмат кўрсатган артист Раъно Ярашева ҳам ҳамкасби Муқаддас Холиқова каби келин саломга 300 доллар эвазига чиқади.
Муножат Алимбоева
Ўзбек киносининг “Жайдари келин”и, истеъдодли актриса ва хонанда Муножат Алимбоева келин салом ўтказгани учун 350 доллар гонорар олади.
Вазира Юнусова
Ўзбек миллий академик драма театри актрисаси Вазира Юнусова келин саломларга 350 долларга чиқади.
Зуҳра Солиева
Ошқозон кичрайтириш амалиётидан сўнг таниб бўлмас даражада озган актриса Зуҳра Солиева келин салом ўтказиш учун 400 доллар сўрайди.
Саида Раметова
Ўзбекистон халқ артисти Саида Раметова 400 доллар эвазига келин салом маросимини эсда қоларли тарзда ўтказиб беради.
Шаҳло Зоирова
“Bravo” кулги жамоасининг собиқ аъзоси, актриса Шаҳло Зоирова рейтингимизнинг биринчи ўрнини забт этди. Унинг келин салом ўтказиши учун белгиланган нарх –550 доллар.
Изоҳ (0)