Ирфон Хон билан видолашаётган Болливуд, Сами Юсуфни тинглайдиган Райҳон, одамлардан ранжиган яна бир Райҳон. Машҳурлар карантинда (фото+видео)

Ўзбек санъаткорлари карантин вақтида мухлисларини зериктирмасликка ҳаракат қилмоқда. 29 апрель куни ҳам улар ўзларининг Instagram’даги саҳифаларига турли хил қизиқ видео ва фотопостлар жойлади.

Шу куни таниқли ҳинд актёри Ирфон Хон саратон билан узоқ йиллик курашишлардан сўнг вафот этди. Болливуд актёрларининг Instagram’даги саҳифаларида Ирфон Хон билан видолашув сўзлари ёзиб қолдирилмоқда.

«Замонамизнинг энг яхши актёрларидан бири, дўстим, сени соғинамиз, Аллоҳ раҳматига олган бўлсин», — деб ёзди Болливуд қироли Шоҳруххон.

https://www.instagram.com/p/B_j0_10lb5y/

«Ҳақиқий истеъдод эгаси, катта йўқотиш, сизни жуда соғинамиз, сиз доим қалбимиздасиз», — деб ёзади Катрина Каиф.

https://www.instagram.com/p/B_kKgY8hLOX/

«Киносаноат, мухлислари, айниқса, оиласи учун катта йўқотиш», — деб ёзади Салмон Хон.

https://www.instagram.com/p/B_j4oaWligF/

«Сизни дунё ҳеч қачон унутмайди, жойингиз жаннатдан бўлсин», — деб ёзди Приянка Чопра.

https://www.instagram.com/p/B_j5paSjL72/

Хонанда Райҳон «Миллий» телеканалида таниқли санъаткор Сами Юсуфнинг концерти эфирга узатилиши ҳақидаги хабар билан бўлишди.

https://www.instagram.com/p/B_kNf6iFflI/

Хонанда Манзура эса фолловерларини жонли ижро билан хушнуд этди.

https://www.instagram.com/p/B_iQiN_pMDW/

Жасур Умиров коронавирусга атаб «Уйда қол, Нигор» номли қўшиқ куйлади.

https://www.instagram.com/p/B_ijdz0HGG1/

Туркияда қолиб кетган актриса Райҳон Уласенова Instagram’да кўриниш берди.

«Орангизда биз учун қайғураётганлар ҳам кам эмас. Бу постни биз Туркияда тинчлик-хотиржамликда, ризқи бутунликда Яратган паноҳида эканлигимизни билдириш учун ва шу билан биргаликда, ўзга юртда тушкунликка тушган юртдошларимизни қўллаб-қувватлаш учун шу ерда қолдирган эдим. Тушунганлар бўлди, тушунмаганлар ҳам. Хаёлимда карантин даврида ҳамма бир-бирига меҳрли, оқибатли бўлгандек. У хаёлларим экан... Афсус», — деб ёзди актриса ушбу пост изоҳига.

https://www.instagram.com/p/B_iwrujpGSd/

Туркиялик ошпаз-мем Бурак Ўздемир ноодатий егуликлар пишириб, фолловерларини лол қолдиришда давом этмоқда. Бу сафар у Пикачу шаклидаги егуликни тайёрлади.

https://www.instagram.com/p/B_kcZ50Hddl/

«Севги изтироби» сериали юлдузи Ҳазал Филиз Кучуккўз янги суратини мухлисларига тақдим этди. «Балки, сен тушунганингдек эмасдир», — деб ёзди Зайнаб образи билан ўзбек томошабинларига танилган Ҳазал.

https://www.instagram.com/p/B_h_EhlnBQC/

Хонанда Зиёда чинакам мўмин инсон бўлишнинг шартларидан бирини маълум қилди.

https://www.instagram.com/p/B_kRb8ZpqO2/

Актриса Муқаддас Саъдуллаева саҳарликда қилинган дуолар ижобат бўлишини тилади.

https://www.instagram.com/p/B_ioZv-pwVP/