Рейтинг: Instagram’да энг кўп обуначига эга ўзбек шоу-бизнеси вакиллари (фото)
Ўзбек мусиқа ва кино олами вакиллари инстаграмъда жуда ҳам фаол ҳаракат қилишади. Бугунги кунда уларни Instagram тармоғида миллионлаб мухлислар кузатиб боришади. Биз ушбу тармоқдаги энг кўп обуначига эга ўзбек шоу-бизнес юлдузларни эътиборингизга ҳавола этамиз.
Бугунги кунда ўзбек шоу-бизнесида энг кўп обуначи Шаҳзодада бўлиб, уни Instagram’да 4 миллион фолловер кузатади.
Иккинчи ўринни хонанда ва актриса Муниса Ризаева банд қилган бўлиб, уни тармоқда 3,8 миллион киши кузатади.
Муниса Ризаевадан кейинги ўринни унинг ҳамкасби Ўзбекистонда хизмат кўрсатган артист Райҳон Ғаниева эгаллаган. Уни ушбу тармоқда 3,2 миллион кузатувчиси бор.
Актриса, дизайнер ва бошловчи Шаҳзода Муҳаммедова Instagram тармоғида жуда ҳам фаол, ушбу фаоллик уни 2,9 миллион обуначи йиғишига сабаб бўлган бўлса ажаб эмас. У ушбу рейтингда тўртинчи ўринда.
Шаҳзода Муҳаммедовадан кейинги поғонани актриса Асал Шодиева 2,5 миллион кузатувчиси билан банд қилиб турибди.
Асал Шодиеванинг эри, хонанда ва актёр Шоҳруҳхонни Instagram оламида Асал Шодиевадан 100 000 кам обуначи кузатади. Хонандалар Шоҳруҳхон, Нилуфар Усмонова ҳамда Лола 2,4 миллион кузатувчига эга бўлиб, улар бу рейтингда олтинчи, еттинчи ва саккизчи ўринни бўлишиб турмоқда.
Ўзбекистонда хизмат кўрсатган артист Улуғбек Раҳматуллаев ҳамда актриса Муқаддас Саъдуллаева ҳам бу борада бир хил натижани қайд қилишган. Улар Instagram’да 2,3 миллион фолловерга эга. Ушбу рейтингда тўққизинчи ва ўнинчи ўринларда бормоқда.
«Миллион» кулги жамоасининг сардори Даврон Кабуловни ўзбек 2,2 миллион киши кузатади. У ўзбек бошловчилари орасида бундай натижани қайд этган ягона шоумен. Рейтингда эса ўн биринчи ўринда.
Актриса Шаҳзода Матчонова ҳамда қизиқчи Ҳалимахонимни Instagram’да 2,1 миллион обуначиси бор. Улар рейтингда ҳозирча ўн иккинчи ва ўн учинчи ўринларни бўлишиб турибди.
Хонанда Манзура ҳамда актриса Дурдона Қурбонова ушбу рейтинда 14 ва 15-ўринни банд қилди. Бунинг учун уларга 2 миллион обуначи керак бўлди.
