Турк актрисаси Ханде Эрчел дунёдаги энг гўзал аёл деб топилди

Лос-Анжелеснинг Тop Beauty World ташкилоти сайёранинг энг чиройли 100 нафар аёл ва эркаклари рўйхатини тузди. CNN Turk’нинг хабар беришича, энг гўзал аёллар орасида айни вақтда «Эшигимни қоқ» сериалида суратга тушаётган актриса Ханде Эрчел етакчилик қилган, деб ёзади «Rus.Turkey.com»

Маълум қилинишича, 100 талик рейтинг машҳурларнинг юз тузилишини баҳолаш (50%), интернет сўровномаларни инобатга олган ҳолда (30%) ва халқаро гўзаллик стандартлари (20%) асосида тузилган. Дипика Падуконе, модель Барбара Палвин учликка киритилган рўйхатда Эрчелдан ташқари яна 5 турк актрисаси ҳам ўрин олишга сазовор бўлган.

«Жасур ва гўзал», «Осиё» сериалидаги роли билан яхши таниш бўлган, 38 яшар Туба Буюкустуннинг исми 29-ўриндан, «Чолиқуши» сериали юлдузи Фахрие Эвжен эса 45-ўриндан жой эгаллаган. «Тонг қуши» сериалидаги ролидан кейин Италия, Испания ва бошқа мамлакатларда ҳам машҳурликка эришган Демет Ўздемир 75, «Ижарага севги» сериалидаги роли билан яхши таниш Элчин Сангу 83, шунингдек, айни вақтда «Элчининг қизи» сериалида суратга тушаётган Неслихан Атагул эса 89-ўринни эгаллаган.

8 нафар турк актёрларининг номи ўрин олган «Сайёранинг энг чиройли 100 нафар эркаги» рўйхатида, хитойлик актёр Чжан Чао, кореялик хонанда Ви-Ким Техен ҳамда Болливуд юлдузи Шохруҳ Хон етакчилик қилган. Ушбу рейтингда ўзбек мухлисларига «Ичкарида» сериали билан яхши таниш бўлган турк актёри Чиғатой Улусой 17-бўлган бўлса, «Кумуш» сериали юлдузи Киванч Татлитуг 33 позицияни эгаллаган.

Ханденинг «Эшигимни қоқ» сериалидаги ҳамкасби Керем Бурсин (38-ўрин), «Ижарага Севги» сериалида Элчин Сангу билан бирга суратга тушган Бариш Ардуч (68-ўрин) ва «Жаноб хато» сериали юлдузи Жан Яман (89-ўрин) исмлари ҳам киритилган рўйхатдан, шунингдек, Ураз Кайгиларўғлу, Бурак Ўзчивит ва Бурак Тозкопаран сингари актёрлар ҳам ўрин олган.