Тошкент шаҳрининг Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди. Бу ҳақда пойтахт ИИББ ЙҲХБ ахборот хизмати хабар берди.
Фото: Тошкент шаҳар ИИББ ЙҲХБ ахборот хизмати
Мустақиллик—Мовароуннаҳр кўчалари кесишмасида бир йўналишда ҳаракатланиб келган ҳайдовчилар:
1958 йилда туғилган Т.Р. бошқарувидаги Hongqi EQM 5;
1994 йилда туғилган С.А. бошқарувидаги Cobalt;
1988 йилда туғилган Х.У. бошқарувидаги Tracker-2;
1998 йилда туғилган С.А. бошқарувида бўлган Nexia-3;
1982 йилда туғилган Т.М. бошқарувида бўлган Onix транспорт воситалари оралиқ масофага амал қилмасдан тўқнашган.
Фото: Тошкент шаҳар ИИББ ЙҲХБ ахборот хизмати
Ҳодиса оқибатида тан жароҳати олганлар йўқ.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Тошкентда ноябрда содир бўлган ЙТҲлар
3 ноябрь тунда пойтахтнинг учта туманида ЙТҲлар содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди. 11 ноябрь куни Миробод туманидаги “Санъат музейи” қаршисида Lacetti King Long автобуси орқасига бориб урилиб, жароҳатланди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди. 17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Изоҳ (0)