Сурхондарё вилоятининг Бандихон туманида 12 ноябрь куни соат 8:00 ларда ЙТҲ содир бўлди. Бу ҳақда вилоят ИИБ Йўл ҳаракати хавфсизлиги бошқармаси ахборот хизмати хабар берди.
Маълум қилинишича, Бандихон тумани Чинор маҳалласидан ўтувчи 4Р-100 автомобиль йўлида 32 ёшли ҳайдовчи бошқарувида бўлган Nexia йўлнинг белгиланмаган жойидан кесиб ўтаётган 7 яшар болани уриб юборган.
Ҳодиса оқибатида бола оғир тан жароҳатлари олиб туман шифохонасида вафот этган. У Бандихон туманидаги 9-мактабнинг 1-синф ўқувчиси бўлган.
ЙТҲдан сўнг бола ўқийдиган мактабда Йўл ҳаракати хавфсизлиги бошқармаси мутасаддилари, маҳалла аҳолиси, вафот этган боланинг ота-онаси иштирокида муҳокама йиғилиши ўтказилган.
Изоҳ (0)