Тошкентнинг Янгиҳаёт туманида икки юк машинаси иштирокида содир бўлган ЙТҲда ҳайдовчилардан бири ҳалок бўлди. БУ ҳақда пойтахт ЙҲХБ матбуот хизмати хабар берди.
26 ноябрь куни соат 20:30 ларда Янгиҳаёт тумани 4R21 кўчаси Қозоғистон гиламлари дўкони қаршисидаги қайрилиб олиш жойида ҳайдовчи Қ.А. (1982 йилда туғилган) бошқарувидаги BKA юк транспорт воситасига I.Қ. (1987 йилда туғилган) бошқарувидаги Isuzu русумли транспорт воситаси келиб урилган.
Оқибатда Isuzu ҳайдовчиси воқеа жойида вафот этган.
Ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) 2-қисми билан жиноят иши қўзғатилиб дастлабки тергов ҳаракатлари олиб борилмоқда.
Тошкентда ноябрда содир бўлган ЙТҲлар
3 ноябрь тунда пойтахтнинг учта туманида ЙТҲлар содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди. 11 ноябрь куни Миробод туманидаги “Санъат музейи” қаршисида Lacetti Кing Long автобуси орқасига бориб урилиб, жароҳатланди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди. 17 ноябрь куни Юнусобод туманида Toyota, Malibu 2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳеч ким ҳалок бўлмаган.
Изоҳ (0)