Қозоғистоннинг Манғистау вилоятидаги Бейнеу-Тожен трассасида ҳалокатли ЙТҲ содир бўлди, оқибатда олти нафар Ўзбекистон фуқароси вафот этди. Яна тўрт нафар инсон жароҳат олиб касалхонага ётқизилди, дея хабар бермоқда “Lada.kz”.
“JAC русумли автомобиль чегарадан ўтиш учун навбатда турган йўл четидаги MAN юк машинаси билан тўқнашиб кетди. Машинада жами 10 киши бўлган. Улардан тўрт нафари Бейнеу марказий туман касалхонасига ётқизилди”, дейилади хабарда.
Манғистау вилояти ИИБ ва соғлиқни сақлаш бошқармаси маълумотларига кўра, Россиядан Ўзбекистонга қайтаётган машинада жами ўн киши бўлган.
Жароҳат олган 4 нафар инсоннинг аҳволи ўртача оғир деб баҳоланмоқда.
Қайд этилишича, ЙТҲ иштирокчиларининг барчаси Ўзбекистон фуқаролари бўлиб, транспорт воситаси ҳам Ўзбекистонда рўйхатга олинган.
“Воқеа ҳақида Ўзбекистоннинг Ақтаудаги бош консуллигига хабар берилди. Воқеа юзасидан терговга қадар тергов ҳаракатлари бошланган, фожианинг барча ҳолатларини аниқлаш ишлари олиб борилмоқда”, дейилади хабарда.
Изоҳ (0)