Омма доим ҳамма нарсани билишга қизиқади: машҳурларнинг нима ейиши, ўзига қандай ғамхўрлик қилиши, қаерга саёҳатга бориши, нима сотиб олиши-ю, “Дунё гўзаллари” қандай эркакларга турмушга чиққанигача. Энг қизиғи эса бу соҳибжамолларнинг болалари қандай кўринишга эга?
Айшвария Рай
1994 йилда Айшвария Рай “Дунё гўзали” унвонига лойиқ кўрилади. Унинг гўзаллиги ҳали ҳам кўзни қамаштиради: Айшвария ҳозир ҳам худди ўшандай гўзал.
Юлдуз Абҳишек Баччанга турмушга чиқади ва севимли қизи — кичик малика Аарадҳяни дунёга келтиради. Кўринишидан қизалоққа онасидан ҳеч нарса ўтмаган, ҳаммасини отасидан мерос қилиб олган: кўзлари, лаблари, бурни — Аарадҳя Абҳишекнинг қуйиб қўйгандек ўзи.
Юлия Ионина
Бу гўзал аёл кўп болали она ва тадбиркорнинг рафиқаси сифатида “Дунё гўзали 2014” танлови ғолиби бўлган. Биринчи турмушидан уч фарзандини дунёга келтирган: бир қиз ва икки ўғил.
Қизи гўзал онасининг айни нусхаси, ўғли эса кўпроқ отасига ўхшайди. Бироқ танловда ғалаба қозонганидан сўнг, Юлиянинг шахсий ҳаёти бузилади, лекин тез орада Юлия тадбиркор Борис Авакянга турмушга чиқади.
Лара Датта
Айшвария Рай сўнгги минг йилликнинг ғолибаси бўлган бўлса, XXI асрда “Коинот гўзали 2000” унвони ҳиндистонлик гўзал Лара Даттага насиб этади. У келишган теннисчига турмушга чиқиб, гўзалликда онасидан кам бўлмаган қизи Сайрани дунёга келтиради.
Моника Беллуччи
Моника гўзаллик танловларида қатнашмаган, лекин кўп йиллар давомида жамоатчилик актрисани сайёрадаги энг гўзал аёл деб тан олган. Қизи Дева эса онасининг барча гўзаллигини ва отасининг жозибасини мерос қилиб олган.
Анжелина Жоли
Анжелина Жоли — мусобақаларда иштирок этмаган, лекин бутун дунё томонидан тан олинган соҳибжамол. Мода журналлари томонидан тузилган барча турдаги рейтинглар актрисани аёллар орасида бир неча бор шоҳсупага кўтарган.
Шубҳасиз, унинг қиёфаси, гўзаллиги, нафислиги ва харизмасини эътиборсиз қолдириб бўлмайди. Шунингдек, Жоли ва Питтнинг қизи Шайло ҳам жамоатчилик эътиборидан четда қолмайди.
Амелия Вега
2003 йилда Доминикан Республикаси тарихида биринчи марта “Дунё гўзали” унвонини ушбу республика вакили қўлга киритди. Ўшандан 2011 йилгача Амелия саёҳатлар, фотосессиялар, лойиҳалар, фильмлар ва шоуларга бой гўзал, ёрқин ва фаол ҳаёт кечирди.
2011 йилда Вега муҳаббатини учратади ва оилавий бахтга эришади. Амелия ҳаётини баскетболчи Ал Ҳорфорд билан боғлайди — ўғли ва уч қизини дунёга келтиради. Жуфтликнинг болалари шунчалик ёқимтойки, уларнинг ҳеч бўлмаса модель бўлишларини башорат қилиш мумкин.
Изоҳ (0)