Yoshligimizda ko‘rgan filmlarimiz — nafaqat esda qolarli jumlalar va yorqin aktyorlik asarlari, balki tarixga kirgan kult buyumlar va obrazlarning haqiqiy xazinasidir. Filmlar tufayli ko‘plab buyumlar mashhur bo‘lib, millionlab tomoshabinlar uchun trendlarni belgilab bergan.
Climat atiri, (“Taqdir hazili yoki qushdek yengil bo‘ling”)
Fransuz brendi Lancôme’ning Climat nomli atirlari nafaqat yaxshi did, balki hashamat belgisi hisoblangan. U millionlab ayollarning orzu edi. Tabiiyki, Nadyaga sevgilisi Ippolit Yangi yilda xuddi ana shu atirni hadya qiladi.
Ko‘z “strelkalari” (“Brilliant qo‘l”)
Zamonaviy va o‘ziga xos mallasoch Svetlana Svetlichna o‘nlab turli xil rollarni o‘ynagan, ammo aktrisa uchun ekrandagi eng esda qolarli rol “Brilliant qo‘l”dagi yo‘ldan ozdiruvchi Anna Sergeyevna roli bo‘ladi.
Svetlana doim modaga qiziqib, e’tiborni tortishni yaxshi ko‘rardi. Shuning uchun ham Anna Sergeyevnaning malla sochlari va qora “strelkalari”ni barcha qizlarni takrorlashni istardi. 2024-yil noyabr oyida aktrisa vafot etdi, ammo u xarizmasi, uslubi va iste’dodi bilan millionlab tomoshabinlar qalbini zabt etishda davom etmoqda.
“Adidas” kiyimi (“Kuryer”)
O‘sha vaqtdagi yoshlar vakili Katya Kuznetsova kadrda maksimal darajada tabiiy va oddiy ko‘rinadi — 80-yillarga xos bo‘lgan hech qanday kimyoviy vositalar yoki yorqin pardoz-andoz yo‘q. Sport kiyimidagi qizning o‘ziga xosligi shundaki, u “Adidas”ni uy kiyimi sifatida kiyadi.
Hozir buning ajablanarli joyi yo‘q, ammo 1986-yilda film chiqqanida, bu brendning kiyimlari hashamat hisoblangan va o‘sha paytda nafislik ramzi ham edi. Shuning uchun uyda “Adidas” kiyimini kiyishni isrofgarchilik deb hisoblash mumkin edi.
Oversayz (“Assa”)
Ushbu filmda qahramon Tatyana Drubich ayollik jozibasining yangi formulasini o‘rnatdi: charm kepka, sport sharfi bilan uyg‘unlashtirilgan jinsi shim, oversayz kostyumlar — e‘tibor tortuvchi libos o‘rniga oq klassik ko‘ylak
“Assa” chiqqanidan 30 yil o‘tgach, bu uslubni feyshn-asketizm — ya’ni yosh ham, mavsum ham, trend ham tanlamaydigan moda deb atashadi. Ammo 1987-yilda Alikaning kiyim javoni plastmassa bezaklar, mini yubkalar, sun’iy jingalaklar va umuman tizimga qarshi isyon kabi edi.
Botilyonlar (“Ivan Vasilyevich kasbini o‘zgartiradi”)
Qahramon Natalya Kostinskayaning: “Allo Galochka, g‘alati yangilik bor, buni eshitsang o‘lib qolasan!” degan mashhur iborasini unutib bo‘lmaydi. Uning zamonaviy kalta oq libosidan tashqari, o‘sha davr ayollarining orzusi bo‘lgan og‘ir platforma va qalin poshnali botilyonlar ham mashhur bo‘lgan.
-99FzFtB3.webp)
Vodolazka (“Brilliant qo‘l“)
1967-yilda Fransiyaning barcha erkaklari oq vodolazka kiyishga o‘tadi. Bir yil o‘tgach, kontrabandachi Gesha Kozodoyev vatandoshlarini vodolazkani pidjak bilan kiyishga o‘rgatadi. Shundan keyin bu kiyim kult buyumga aylanadi.
Ammo Andrey Mironovning kadrda bo‘yni yopiq holda paydo bo‘lishining sababi moda dunyosi bilan bog‘liq emasdi. Aktyor ekzemaga chalingandi, bunday bo‘yni yopiq kiyim tomoshabinlardan kasalini yashirish uchun kerak edi.
Jodugar Alisaning libosi (“Kunduzgi nazorat”)
Kultga aylangan mazkur filmdagi Janna Friske obrazini unutib bo‘lmaydi. Obrazi Alisa uchun qahramonning kuchi va jasorati tuyg‘usini ta’kidlaydigan charm kiyim va hashamatli aksessuarlar tanlangan, keyinchalik ular urfga kirgan.
Izoh (0)