“Аждаҳо уйи”нинг кейинги қисми чиқишини кутаётган бўлсангиз, худди шу сериал берган эҳтирослар ва интригаларга бой қуйидаги ажойиб телесериалларни томоша қилишни тавсия қиламиз.
“Домина”
Сериал қаҳрамони Ливия Друзилла император Октавиан Августнинг рафиқаси бўлиб, мавқейидан фойдаланган аёл ҳокимият жиловини ўзининг нозик қўлларига олади. Аммо бу машаққатли йўлда у омон қолиш учун виждони билан тил топишишига тўғри келади.
IMDb рейтинги - 7.2
“Сегун”
Сериалдаги воқеалар 1600 йилда содир бўлади. Инглиз учувчиси Японияга келиб қолади ва япон жамиятига мослашишга ҳаракат қилади. Вақт ўтиши билан у ўзига кучли ҳомий топади, шу билан бирга кўплаб душманлар орттиради. Албатта, севгисини ҳам шу ерда учратади.
IMDb рейтинги - 8,7
“Соя ва суяк”
Ушбу сериалдаги воқеалар хаёлий оламда содир бўлади. Қудратли мамлакат зулмат туфайли икки қисмга бўлинган: энг хавфли йиртқич махлуқлар Соя канёнида яшайди, бу ерда оддий одам бир дақиқа ҳам яшай олмайди. Фақат гришилар — турли хил жодугарлик билан шуғулланадиган сеҳргарлар бу мавжудотларга қарши тура олади. Сериал қаҳрамони Алина Старкова исмли етим қиз тўсатдан қудратли кучга эга эканлигини билиб қолади ва ўзини ҳокимият учун кураш бўлаётган жойда кўради.
IMDb рейтинги - 7,5
“Зомбилар қироллиги”
Ўрта асрлардаги Чосонда содир бўлган зомби апокалипсиси ҳақидаги корейс сериали. Тирик мурдалар кечаси сарсон бўлиб, эрталаб қабрларига қайтади. Элементларнинг ўзига хос комбинациясига қарамай, сериал танқидчилар томонидан юқори баҳоланади. Сериал воқеалари XVII аср бошларида содир бўлганлиги сабабли бу даҳшатлар фонида ҳокимият учун давом этаётган кураш ҳам бор.
IMDb рейтинги - 8.3
“Олти аждар”
Агар сериалларнинг жуда тез тугаши ёқмаса, Корея тарихига асосланган ушбу 50 қисмли фильм айнан сиз учун. Унда Чосон давлатининг ташкил топиши ҳақида ҳикоя қилинади. Сарлавҳада тилга олинган аждарлар аллегорик тарзда унинг олтита асосчисини ифодалайди. Бу ёш шаҳзода Ли Бангвон ҳақидаги — унинг амбициялари, муваффақиятлари ва можаролари тасвирланган узун ҳикоя.
IMDb рейтинги - 8,8
“Илонлар маликаси”
14 ёшида Екатерина Медичи бўлажак француз қироли Генрих II га турмушга чиқади. Саройга келган ёш келин эрининг ўзидан катта аёлни севиб қолганини, лекин у аёл фарзанд кўра олмаслигини билиб қолади. Аммо ажойиб ақл-заковати ва интригаларни тўқиш санъати туфайли Екатерина нафақат никоҳини сақлаб қолишга, балки 30 йил давомида Францияни бошқаришга муваффақ бўлади. Юқори рейтинглар туфайли сериалнинг 2-мавсуми ҳам суратга олинган.
IMDb рейтинги - 7,7
“Бўш тож”
Уилям Шекспирнинг ҳокимият, сиёсат ва оила ҳақидаги тарихий пьесалари асосида суратга олинган бир нечта кинофильмлар “Бўш тож” умумий номи остида экранлаштирилган. Сериалга “Ричард II”, “Генрих IV”. 1-қисм”, “Генрих IV. 2-қисм” ва “Генри V” фильмлари киради. Сериалда уч қиролнинг юксалиши ва қулаши, улар тарихни қандай шакллантиргани ҳақида ҳикоя қилинади.
IMDb рейтинги - 8.2
“Аждаҳолар қурган уй”
Ва ниҳоят “Аждаҳо уйи”нинг яратилиши ҳақидаги ҳужжатли фильм. Жорж Р.Р.Мартин оламининг мухлислари саҳна ортида нималар содир бўлганини, янги афсона қандай яратилганини ва суратга олиш гуруҳининг бу сериалга қанчалик меҳнатлари сингганини кўришади.
IMDb рейтинги - 8.2
Изоҳ (0)