Жиззах вилоятининг Арнасой туманидаги мактабда 2-синф ўқувчиси синф раҳбари томонидан қўлига ручка санчиб жазолангани айтилмоқда. Бу ҳақда “Дарё”га ўқувчининг холаси хабар берди.
Тумандаги 8-сонли умумий ўрта таълим мактабининг 2-“А”синф ўқувчиси Ж.И. “й” ҳарфини “қ” тарзида ёзгани учун синф раҳбари томонидан шу тарзда жазоланган.
Воқеа 2024 йилнинг 18 ноябрь куни содир бўлган.
“Синф раҳбари Насиба Қўнишева шундай қилиб боланинг қўлини тешиб ташлабди. Жиянимнинг қўллари шишиб оғрияпти. Ота-онаси кимгадир шикоят қилишга андиша қилмоқда. Жияним эса оғриққа чидолмай йиғлаб ётибди”, дейди мурожаатчи.
Ўқувчининг холасига кўра, жияни шу воқеадан кейин бошқа мактабга ўтказилган.
“Жиянимни 22-сонли мактабга ўтказишди. Лекин ўқитувчига чора кўрилмаган. Мактаб раҳбарияти бунга эътибор қаратмаяпти”, дейди у.
Мурожаатчининг қўшимча қилишича, ушбу мактабда ўқувчиларни уриб, бошини ёрган ўқитувчилар ҳам бор. Улар бу қилмиши учун судда ҳам жавоб берган.
Изоҳ (0)