Ҳиндистоннинг Калкутта шаҳри мезбонлик қилган Tata Steel Chess India турнири ўз якунига етди.
Олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этди. Дастлаб рапид баҳслари бўлиб ўтди. Унда ўзбекистонлик Нодирбек Абдусатторов (2742) ҳам бош соврин учун баҳс олиб борди.
Натижаларга кўра, Магнус Карлсен биринчи ўринни олди ва 10 минг доллар пул мукофотига эга бўлди. Нодирбек Абдусатторов эса 5 очко билан 4-ўринни эгаллади ва 2 минг доллар пул мукофотини қўлга киритди.
Кеча, 17 ноябрь куни блиц баҳслари якунланди. Бу йўналишида ҳам Карлсенга тенг келадиган шахматчи топилмади. Норвегиялик шахматчи 18 имкониятдан 13 очко тўплаб, мусобақа ғолибига айланди. Қизиқарлиси, рапид ва блиц йўналишларида Нодирбек Абдусатторов чемпионга енгилмади. Абдусатторов 8 очко билан 7-ўринни қўлга киритди. Шу билан бирга, Нодирбек 250 долларга эга бўлди.
Шундай қилиб, рапид йўналишида 4-ўрин ва блиц йўналишида 7-ўринни қўлга киритган ўзбекистонлик шахматчи умумий 2250 АҚШ доллари пул мукофотига эга чиқди.
Изоҳ (0)