11 март куни “Оскар—2024” ғолиблари эълон қилинди. Анъанага кўра, томошабинлар диққати фақатгина мукофотлаш маросимига эмас, балки юлдузлар имижига ҳам қаратилди. Лекин эсдан чиқмайдиган нарса бу “Оскар” мемлари бўлди. Маросимнинг энг қизиқарли ва ноқулай лаҳзаларини томоша қилинг.
Месси лақабли қарсак чалаётган ит
Маросимда Месси лақабли бордер-колли зотидаги итнинг иштирок этиши бежиз эмас — у “Қулаш анатомияси” фильмида роль ўйнаган.
Томошабинлар итни қизил гиламда интиқлик билан кутишган, чунки аввалроқ унинг тадбирга киритилмагани ҳақида миш-мишлар тарқалганди. Бироқ жонивор ўзининг ташқи кўриниши билан томошабинлар ҳурматини қозонди: у нафақат қизил гилам бўйлаб юрди, балки машҳурлар орасида залда ўтирди. У ҳатто кичик Роберт Дауни “Оппенгеймер”даги ёрдамчи роли учун мукофотни қўлга киритганида қарсак ҳам чалди. Тўғри, кейинроқ маълум бўлишича, ит панжалари сохта экан.
Кен образидаги Райан Гослинг
Оқшомнинг яна бир диққатга сазовор жойи Райан Гослингнинг ижроси бўлди. Актёр пушти костюмда пайдо бўлди ва “Барби” фильмидаги “I’m Just Кеn” қўшиғини ижро этди. Гослинг орзу қилинган ҳайкалчани олмаган бўлса-да, у ўша оқшом томошабинлар меҳрини қозона олди.
“Умид қиламизки, Кеннинг энергияси Райан Гослингни ҳеч қачон тарк этмайди”, — деб ёзади фойдаланувчилар.
Саросимага тушган Аль Пачино
Машҳур америкалик актёр билан бўлган лаҳзалар ҳам мемлар тўпламига кирди. 84 ёшли Аль Пачино “Оскар”нинг асосий номинациясида ғолибни эълон қилиш учун саҳнага чиқди.
Бироқ интригани сақлаб қолиш ўрнига актёр саросимага тушиб ғўлдиради: “Ўнта ажойиб фильм номинацияга қўйилибди, лекин фақат биттаси энг яхши фильм мукофотини олади. Бунинг учун мен конвертни очишим керак. Мана ва менинг кўзларим “Оппенгеймер”ни кўрди” , — деган у.
Изоҳ (0)