Matchroom Boxing промоутерлик компанияси раҳбари Эдди Ҳирн Golden Boy Promotions хўжайини Оскар де ла Хояга катта бокс оқшоми ташкил этишни таклиф этди.
5 га 5 форматидаги таклиф қилинаётган жанг 2024 йилнинг июнь ойида Саудия Арабистонида бўлиб ўтганди. Ўшанда Ҳирн жамоаси Queensberry Promotions боксчиларига қарши жанг қилганди ва 0:5 ҳисобида мағлубиятга учраганди.
Эдди Ҳирн томонидан таклиф этилаётган жанглар:
- Жарон Эннис — Райан Гарсия (ярим ўрта вазн тоифасидаги жанг, -66,7 кг);
- Шакур Стивенсон — Уилям Сепеда (енгил вазн тоифасидаги жанг, -61,2 кг);
- Исраил Мадримов — Вержил Ортис (биринчи ўрта вазн тоифасидаги жанг, -69,9 кг);
- Жей Опетайя — Хилберто Рамирес (оғир вазн тоифасидаги жанг, -90,7 кг);
- Жек Кеттеролл — Хосе Рамирес (биринчи ярим ўрта вазн тоифасидаги жанг, -63,5 кг).
Эслатиб ўтамиз, ўзбекистонлик боксчи Исроил Мадримов декабрь ойида ўзининг навбатдаги жангини ўтказади. Сергей Богачукка қарши тўқнашув 21 декабрь куни Саудия Арабистони пойтахти Ар-Риёд шаҳрида Олександр Усик—Тайсон Фьюри реванш жангининг андеркардида бўлиб ўтади.
Изоҳ (0)