“Титаник” фильмида асосий ёзув қаҳрамон Каледон Ҳокли образини гавдалантирган актёр Билли Зейн янги биографик фильмда иштирок этди. Унда у ўзининг афсонавий ҳамкасби — “Чўқинтирилган ота” фильми юлдузи Марлон Брандони ижро этди.
Фото: PeopleTalk
Суратга тушириш майдонида олинган кадрлар эса мухлисларни ҳайратда қолдирди. Актёрга Корлеоне образи шунчалик ярашган эдики, кино танқидчилар фильм намойиш этилмасдан уни “Оскар”га лойиқ кўрилишини башорат қилмоқда, деб ёзади Variety нашри.
Фото: PeopleTalk
Расмий маълумотларга кўра, “Брандо билан валс” фильми марҳум актёрнинг 1970 йиллардаги ҳаёти ҳақида ҳикоя қилади. Унда актёр Корлеоне роли учун “Оскар”ни қўлга киритгани ва “Париждаги сўнгги танго” мелодрамасида қандай рол ўйнагани ҳақида ҳам айтиб ўтилади.
Фото: PeopleTalk
Билли Зейн “Брандо билан Валс” номли мазкур фильмга продюсерлик ҳам қилмоқда. Лойиҳа ҳозирда ишлаб чиқариш жараёнида.
42-Турин кинофестивали 22 ноябрь куни бошланади ва унинг ёпилиш маросимида “Брандо билан валс” биографик фильми намойиш этилади. Актёр Марлон Брандо таваллудининг 100 йиллиги муносабати ишланган мазкур фильм намойиш этилишидан ташқари, марҳум актёрнинг ижросидаги афсонавий 24 та фильмни ёдга олиш мақсадида ретроспектива ҳам ўтказилади.
Изоҳ (0)