АҚШ президентлиги сайловларида ғалаба қозонган Дональд Трамп “жазолаш режалаштирилаётган одамларнинг узун рўйхатига эга”, деб ёзади Politico нашри.
“Йиллар давомида Трамп ўз чиқишларида ва ижтимоий тармоқдаги постларида сиёсий рақиблари, танқидчилари ва ОАВ аъзоларини таъқиб қилиш, қамоққа ташлаш, депортация қилиш ва ҳатто қатл этишга чақириб келмоқда”, деб ёзади нашр.
Politico’га кўра, ушбу қасос рўйхатига амалдаги президент Жо Байден, АҚШ вице-президенти ва Трампнинг сайловдаги рақиби Камала Ҳаррис, собиқ президент Барак Обама, собиқ давлат котиби Ҳиллари Клинтон, Facebook асосчиси Марк Цукерберг, Хантер Байденнинг ноутбуки ҳақидаги хатга имзо чеккан 51 нафар разведка мутахассиси, шунингдек, бир қатор бошқа нуфузли америкалик сиёсатчилар киради.
“Энди у ғалаба қозонди, у ҳам халқ мандатига, ҳам жазо платформасини амалга оширишни бошлаш ҳуқуқига эга”, дейилади материалда.
Трамп АҚШ президентлиги сайловларида ғолиб деб эълон қилинди: натижаларни башорат қилувчи бир қатор етакчи ахборот манбаларига кўра, у барча асосий штатларда ғалаба қозонган. Шундан сўнг Трамп Флоридадаги тарафдорларига мурожаат қилиб, ғалабасини эълон қилган.
Fox News маълумотларига кўра, Трамп зарур бўлган 270 та овоздан 277 тасини тўплаган. У Аmerican Hill нашри ва Desicion Desk HQ нуфузли сайлов натижаларини прогнозлаш хизмати томонидан ҳам ғолиб деб топилди.
Изоҳ (0)