АҚШнинг собиқ президенти Дональд Трамп мамлакат сиёсий ҳаётидаги иштирокини тиклашни ва журналистлар билан яна мулоқот қилишни режалаштирмоқда. Бу ҳақда Associated Press хабар берди.
Агентлик маълумотларига кўра, «Трампнинг дўстлари ва иттифоқчилари бир неча ҳафталик сукутдан кейин унинг ОАВ билан дўстона интервьюларни қайта бошлашини кутяпти».
Таъкидланишича, собиқ президент «унинг импичментини қўллаб-қувватлаган ёки ноябрдаги сайлов натижаларини бекор қилиш ҳаракатларига қаршилик кўрсатган республикачилардан қасос олишни истаяпти», лекин барибир 2022 йилги оралиқ сайловларда вакиллар палатаси ва Сенат устидан назоратни қўлга олишда Республикачилар партиясига ёрдам беришни мақсад қилган.
«Ишонаманки, яқин кунларда сиз ундан кўп янгиликларни эшитасиз», — деди Трампнинг катта маслаҳатчиси Жейсон Миллер.
Аввалроқ АҚШ Сенати Дональд Трампни Капитолийдаги тартибсизликларда айбсиз деб топган эди.
Мавзуга доир:
- АҚШ Сенати Трампга эълон қилинган импичментни конституциявий жиҳатдан тўғри деб тан олди
- Трамп импичмент бўйича жараёнда кўрсатма беришдан бош тортди
- Трамп импичмент жараёнида уни ҳимоя қилувчи янги адвокатларни ёллади
- Дональд Трамп икки марта импичмент эълон қилинган биринчи АҚШ президентига айланди. Трампга қарши 10 нафар республикачи овоз берди
Изоҳ (0)