Ойбек Эшонов Ўзбекистоннинг Индонезиядаги элчиси этиб тайинланди. Бу ҳақда “Дунё” ахборот агентлиги хабар берди.
Дипломат 57 ёшда. У Тошкент давлат университети (ҳозирги Ўзбекистон Миллий университети)ни, шунингдек, президент ҳузуридаги Давлат қурилиш академиясини тамомлаган.
2008 йилдан 2017 йилгача Исроилдаги элчи лавозимида ишлаган. Янги лавозимга тайинланганига қадар ТИВнинг Жанубий Осиё, Яқин, Ўрта Шарқ ва Африка мамлакатлари билан ҳамкорлик бошқармаси бошлиғи лавозимида ишлаган.
Ойбек Эшонов 2018—2022 йилларда Ўзбекистоннинг Жакартадаги элчихонасига раҳбарлик қилган ва 2023 йил март ойида “Ўзавтосаноат“ АК бошқаруви раиси этиб тасдиқланган Улуғбек Розиқулов ўрнига тайинланди.
Бундан аввал Дилшод Ахатов Ўзбекистоннинг Швейцариядаги элчиси этиб тайинлангани, Ўзбекистон Афғонистонга янги элчи тайинлагани, Қирғизистоннинг Ўзбекистондаги элчиси ўз фаолиятини якунлагани ҳақида хабар берилган эди.
Изоҳ (0)