Qirg‘izistonning O‘zbekistondagi favqulodda va muxtor elchisi Musa Jamanbayev mamlakatdagi diplomatik missiyasini yakunlayapti. Bu haqda tashqi ishlar vaziri Baxtiyor Saidov xabar berdi.
Vazir elchi bilan xayrlashuv uchrashuvini o‘tkazdi.
“Bugungi kunda davlatlarimiz o‘rtasidagi har tomonlama strategik sheriklik barcha sohalarda misli ko‘rilmagan surʼatni namoyon etmoqda. Ikki davlat qardoshlik rishtalarini mustahkamlashga katta hissa qo‘shgan janob elchiga samimiy minnatdorligimizni bildirib, kelgusi faoliyatida muvaffaqiyatlar tiladik”, deb yozadi Baxtiyor Saidov.
2022-yilning noyabr oyida Shavkat Mirziyoyev Qirg‘iziston elchisidan ishonch yorliqlarini qabul qilib olgandi. Davlat rahbari yangi tayinlangan elchilarni samimiy qutlab, O‘zbekistonda diplomatik missiyasini boshlagani bilan tabriklagan edi.
Izoh (0)