Oybek Eshonov O‘zbekistonning Indoneziyadagi elchisi etib tayinlandi. Bu haqda “Dunyo” axborot agentligi xabar berdi.
Diplomat 57 yoshda. U Toshkent davlat universiteti (hozirgi O‘zbekiston Milliy universiteti)ni, shuningdek, prezident huzuridagi Davlat qurilish akademiyasini tamomlagan.
2008-yildan 2017-yilgacha Isroildagi elchi lavozimida ishlagan. Yangi lavozimga tayinlanganiga qadar TIVning Janubiy Osiyo, Yaqin, O‘rta Sharq va Afrika mamlakatlari bilan hamkorlik boshqarmasi boshlig‘i lavozimida ishlagan.
Oybek Eshonov 2018—2022-yillarda O‘zbekistonning Jakartadagi elchixonasiga rahbarlik qilgan va 2023-yil mart oyida “O‘zavtosanoat“ AK boshqaruvi raisi etib tasdiqlangan Ulug‘bek Roziqulov o‘rniga tayinlandi.
Bundan avval Dilshod Axatov O‘zbekistonning Shveysariyadagi elchisi etib tayinlangani, O‘zbekiston Afg‘onistonga yangi elchi tayinlagani, Qirg‘izistonning O‘zbekistondagi elchisi o‘z faoliyatini yakunlagani haqida xabar berilgan edi.
Izoh (0)