Ойбек Усмонов Ўзбекистоннинг Афғонистондаги элчиси этиб тайинланди. Бу ҳақда “Дунё” ахборот агентлиги хабар берди.
Дипломат 62 ёшда. Тошкент давлат университети (ҳозирги Ўзбекистон Миллий университети)нинг филология ва шарқшунослик факультетини тамомлаган, 2020—2024 йилларда Покистондаги элчи лавозимида ишлаган.
Ойбек Усмонов 1998 йилдан буён Ташқи ишлар вазирлиги тизимида фаолият юритиб, марказий аппаратда ва Ўзбекистоннинг хориждаги дипломатик ваколатхоналарида турли лавозимларда ишлаб келмоқда.
Кобулга тайинланишидан олдин у Миср ва Покистондаги элчи, 2011—2012 йилларда эса Ўзбекистон ташқи ишлар вазирининг ўринбосари лавозимларида фаолият кўрсатган.
6 октябрь куни Алишер Тўхтаев Ойбек Усмонов ўрнига Ўзбекистоннинг Покистондаги элчиси этиб тайинланганди.
Сентябрь ойида “Толибон” томонидан тайинланган Афғонистоннинг янги элчиси Абдул Ғаффор Баҳр Тошкентга келганди.
Изоҳ (0)