Ўзбекистон ташқи ишлар вазири Бахтиёр Саидов 26 январь куни Нидерландиянинг Ўзбекистондаги элчиси этиб тайинланган Нико Схемерсни қабул қилди. Бу ҳақда вазир ўзининг Telegram'даги каналига ёзиб қолдирди.
Қайд этилишича, элчи ТИВ раҳбарига ишонч ёрлиқлари нусхаларини топширган.
“Шубҳасиз, барча соҳаларда, айниқса, иқтисодий йўналишда икки томонлама ҳамкорлик кун тартибини кенгайтириш учун улкан имкониятлар мавжуд. Биз жаноб элчининг Ўзбекистон—Нидерландия муносабатларини бойитишга қаратилган саъй-ҳаракатларини қўллаб-қувватлашга тайёрмиз”, — деб ёзади Бахтиёр Саидов.
Эслатиб ўтамиз, 2023 йил мартда Бахтиёр Саидов Нидерландиянинг фавқулодда ва мухтор элчиси (қароргоҳи Остона шаҳрида) этиб тайинланган Андре Карстенснинг ишонч ёрлиқларини қабул қилганди. Ундан олдин эса Хиллес Арно Бесхоор Плух Нидерландиянинг мамлакатдаги элчиси лавозимида фаолият юритган.
Изоҳ (0)